आयपीएलच्या तेराव्या हंगामाची जय्यत तयारी सुरू झाली आहे. हंगाम सुरू होण्यासाठी काही महिन्यांचा कालावधी शिल्लक असताना डिसेंबरमध्ये IPL 2020साठी लिलाव होणार आहे. दरम्यान त्याआधी आयपीएलच्या लिलावासाठी ऑफ सीझन ट्रेड विंडो ही 14 नोव्हेंबरपर्यंत खुली राहणार आहे. त्यामुळं कोणत्या खेळाडूंना ठेवणार किंवा रिलीज करता येणार यासाठी एका दिवसाचा कालावधी उरला आहे.
दरम्यान, आयपीएलच्या आगामी हंगामात राजस्थान रॉयल्सचा प्रमुख खेळाडू अजिंक्य रहाणेने अखेरीस आपल्या संघाची साथ सोडली आहे. आगामी हंगामाकरता अजिंक्य दिल्ली कॅपिटल्स संघाकडून खेळणार आहे. दिल्ली कॅपिटल्सने आपल्या सोशल मीडिया अकाऊंटवरुन या महत्वाच्या बातमीची घोषणा केली आहे.
तर दुसरीकडे यावर्षीचे देखील अजिंक्यपद पटकाविण्यासाठी मुंबई इंडियन्सने कंबर कसली आहे. IPL मधील गतविजेता संघ मुंबई इंडियन्स यांनी बुधवारी एक नवा खेळाडू आपल्या ताफ्यात सामील करून घेतला आहे.
