ಇನ್ನೊಂದು ವಾರದಲ್ಲಿ ಹೊಸ ವರುಷ 2020ರ ಕ್ರಿಕೆಟ್ ಜರ್ನಿ ಶುರುವಾಗಲಿದೆ. 2019ರ ಕ್ರಿಕೆಟ್ ಇತಿಹಾಸದಲ್ಲಿ ಕಿಂಗ್ ಆಗಿ ಮೆರೆದಿದ್ದು ಯಾರು ಗೊತ್ತಾ! ಗಳಿಸಿದ ರನ್, ಸಿಡಿಸಿದ ಸಿಕ್ಸರ್ ಬೌಂಡರಿಗಳೆಷ್ಟು ಗೊತ್ತಾ!? ಆ ಮಾಹಿತಿ ಇಲ್ಲಿದೆ ನೋಡಿ.
2019ರಲ್ಲಿಯ ವಿಶ್ವ ಕ್ರಿಕೆಟ್ ಸಾಮ್ರಾಟ ಎಂದರೆ ಅದು, ಚೇಸಿಂಗ್ ಕಿಂಗ್ ವಿರಾಟ್ ಕೊಹ್ಲಿ. ಹೌದು, ಆಧುನಿಕ ವಿಶ್ವ ಕ್ರಿಕೆಟ್ನ ರನ್ ಮಷಿನ್ ವಿರಾಟ್ ಕೊಹ್ಲಿ, ಸದ್ಯ ಎಲ್ಲಾ ಫಾರ್ಮೆಟ್ನಲ್ಲೂ ರನ್ ಶಿಖರ ಕಟ್ಟುತ್ತಿರೋ ಏಕಮಾತ್ರ ಆಟಗಾರ ಅನ್ನೋದ್ರಲ್ಲಿ ಎರಡು ಮಾತಿಲ್ಲ.. ಹೀಗಾಗಿಯೇ ವಿಶ್ವ ಕ್ರಿಕೆಟ್ನಲ್ಲಿ ಕೊಹ್ಲಿಯನ್ನ ಕಿಂಗ್ ಅಂತ ಕರೆಯಲಾಗುತ್ತೆ.. ಇನ್ನು 2016ರಿಂದ ಸತತ ನಾಲ್ಕನೇ ಬಾರಿಗೆ ಐಸಿಸಿ ಕ್ಯಾಲೆಂಡರ್ ವರ್ಷದಲ್ಲಿ ವಿರಾಟ್ ಕೊಹ್ಲಿಯೇ ಕಿಂಗ್ ಆಗಿ ಹೊರಹೊಮ್ಮಿದ್ದಾರೆ. ಈ ಮೂಲಕ ವಿಶ್ವದ ಯಾವುದೇ ಆಟಗಾರ ಮಾಡದಂತ ಸಾಧನೆಯನ್ನ ವಿರಾಟ್ ಕೊಹ್ಲಿ ಮಾಡಿ, ದಾಖಲೆ ನಿರ್ಮಿಸಿದ್ದಾರೆ.
ಐಸಿಸಿಯ ಕ್ಯಾಲೆಂಡರ್ ವರ್ಷದಲ್ಲಿ 2016, 2017 ಮತ್ತು 2018 ಸತತ ಮೂರು ವರ್ಷ ಅತ್ಯಧಿಕ ರನ್ ಗಳಿಸಿದ ಆಟಗಾರನಾಗಿ ಹೊರ ಹೊಮ್ಮಿದ್ದ ವಿರಾಟ್. 2019ರಲ್ಲೂ ವಿಶ್ವ ಕ್ರಿಕೆಟ್ನ ಕಿಂಗ್ ಎನಿಸಿಕೊಂಡಿದ್ದಾರೆ. ರೋಹಿತ್ ಶರ್ಮಾ, ಕೊಹ್ಲಿಗಿಂತ ಮುಂದಿದ್ರು. ಆದ್ರೆ ಅಂತಿಮ ಪಂದ್ಯದಲ್ಲಿ 85 ರನ್ಗಳಿಸಿದ ವಿರಾಟ್, ರೋಹಿತ್ ಶರ್ಮಾರನ್ನ ಕೇವಲ 13 ರನ್ಗಳಿಂದ ಹಿಂದಿಕ್ಕಿ ಕಿಂಗ್ ಆಗಿ ಹೊರ ಹೊಮ್ಮಿದ್ದಾರೆ.
ಹಾಲಿ ಕ್ಯಾಲೆಂಡರ್ ವರ್ಷದಲ್ಲಿ ಟೆಸ್ಟ್, ಏಕದಿನ ಮತ್ತು ಟಿ20 ಸೇರಿದಂತೆ ಮೂರು ಫಾರ್ಮೆಟ್ನಲ್ಲೂ 44ಪಂದ್ಯಗಳನ್ನಾಡಿರುವ ವಿರಾಟ್ ಕೊಹ್ಲಿ 2,455ರನ್ ಗಳಿಸಿ, ಅತ್ಯಧಿಕ ರನ್ ಗಳಿಸಿದ ಬ್ಯಾಟ್ಸ್ಮನ್ ಆಗಿ ಹೊರ ಹೊಮ್ಮಿದ್ದಾರೆ.ರೋಹಿತ್ ಶರ್ಮಾ ಈ ಬಾರಿಯ ಕ್ಯಾಲೆಂಡರ್ ವರ್ಷದಲ್ಲಿ ಮೂರು ಫಾರ್ಮೆಟ್ನಲ್ಲಿ 47 ಪಂದ್ಯಗಳನ್ನಾಡಿದ್ದು 2442 ರನ್ಗಳಿಸಿ ಕೊಹ್ಲಿ ನಂತರದ ಸ್ಥಾನದಲ್ಲಿದ್ದಾರೆ. ವಿರಾಟ್ ಕೊಹ್ಲಿ ಏಕದಿನ ಕ್ರಿಕೆಟ್ನಲ್ಲಿ 42ಶತಕ, 52 ಅರ್ಧಶತಕ, 1038ಬೌಂಡರಿ ಬಾರಿಸಿದ್ದಾರೆ. 35ಬಾರಿ ಮ್ಯಾನ್ ಆಫ್ ಮ್ಯಾಚ್ ಹಾಗೂ 7ಬಾರಿ ಮ್ಯಾನ್ ಆಫ್ ದಿ ಸಿರೀಸ್ ಗೌರವಕ್ಕೆ ಪಾತ್ರರಾಗಿ ದಾಖಲೆ ಬರೆದಿರುವುದು ನಿಜಕ್ಕೂ ಅಭಿಮಾನಿಗಳಿಗೆ ಸಂತಸದ ವಿಷಯವಾಗಿದೆ.
