ఫ్లోరిడాలోని సెంట్రల్ బ్రోవార్డ్ రీజినల్ పార్క్ స్టేడియంలో వెస్టిండిస్‌తో శనివారం జరిగిన టీ20 సిరీస్ మొదటి మ్యాచ్‌లో భారత్ విజయం సాధించింది. మొదట బ్యాటింగ్‌కు దిగిన వెస్టిండీస్ 20 ఓవర్లకు గాను 96 పరుగులు చెయ్యగా భారత్ కేవలం 17. 2 ఓవర్లలో 6 వికెట్లు కోల్పోయి 98 పరుగులు చేసి విజయాన్ని సొంతం చేసుకుంది.
అయితే టీమిండియా టాస్ గెలిచినప్పటికీ కెప్టెన్ విరాట్ కోహ్లీ ఫీల్డింగ్ ఎంచుకున్నాడు. వచ్చే ఏడాది జరగనున్న టీ20 వరల్డ్ కప్ ను దృష్టిలో పెట్టుకొని యువ క్రికెటర్లకు చోటు కల్పించింది. ఈ తరహాలోనే తొలి టీ20లో బ్యాటింగ్‌లో మనీశ్‌ పాండేకి, బౌలింగ్‌లో నవదీప్ సైనీ, వాషింగ్టన్ సుందర్‌లకు జట్టు మేనేజ్‌మెంట్ అవకాశమిచ్చింది.
ఆ అవకాశాన్ని సద్వినియోగం చేసుకున్నారు భారత్ యువ క్రికెటర్లు. నవదీప్ సైని 3 వికెట్లు తియగా, భువనేశ్వర్ కుమార్ 2 వికెట్లు తీశారు. వాషింగ్టన్ సుందర్, ఖలీల్ అహ్మద్, కృనాల్ పాండ్యా, రవీంద్ర జడేజాలు ఒకొక వికెట్ తీశారు. ఇంకా బ్యాటింగ్ విషయానికి వస్తే వైస్ కెప్టెన్ రోహిత్ శర్మ(24), కెప్టెన్ కోహ్లీ, మనీష్ పాండే చెరో 19 పరుగులు చేశారు.
A six from Sundar to finish the proceedings. We win the 1st T20I by 4 wickets in 17.2 overs 😎😎#WIvIND pic.twitter.com/y3SKQ82Qmj
— BCCI (@BCCI) August 3, 2019
