ఇన్వెస్ట్‌మెంట్ సాధనాల్లో ఉత్తమమైన ఫండ్ ప్రావిడెంట్ ఫండ్ ఒకటి. కేంద్ర ప్రభుత్వ నిర్వహణలోని ఈ రిటైర్మెంట్ సేవింగ్స్ స్కీమ్‌లో ఉద్యోగులు ప్రతి నెలా కొంత మొత్తాన్ని జమ చేయాల్సి ఉంటుంది. ఉద్యోగి వేతనం నుంచి కొంత మొత్తం పీఎఫ్ అకౌంట్‌కు జమవుతుంది. అలాగే కంపెనీ కూడా ఉద్యోగి కంట్రిబ్యూషన్‌కు సమానమైన మొత్తాన్ని EPF ఖాతాలో జమ చేస్తుంది.
ఉద్యోగులు దీర్ఘకాలంలో దీని ద్వారా ప్రయోజనం పొందొచ్చు. రిటైర్మెంట్ తర్వాత లేదా ఉపాధి కోల్పోయినప్పుడు PF Account నుంచి డబ్బులు తీసుకోవచ్చు. లేదంటే కొన్ని ప్రత్యేక సందర్భాలలో ముందుగా కూడా పీఎఫ్ డబ్బులను విత్‌డ్రా చేసుకోవచ్చు. పీఎఫ్ అకౌంట్‌ నిర్వహణను సులభతరం చేసేందుకు ఎంప్లాయీస్ ప్రావిడెంట్ ఫండ్ (ఈపీఎఫ్‌వో) కొత్త సర్వీస్‌లను పీఎఫ్ సబ్‌స్క్రైబర్లకు అందుబాటులోకి తీసుకువచ్చింది.
ఉద్యోగులు ఇప్పుడు నేరుగా EPFO వెబ్‌సైట్ నుంచి యూఏఎన్ నెంబర్ పొందొచ్చు. ఇదివరకు ఉద్యోగులు ఈ నెంబర్ కోసం కంపెనీపై ఆధారపడాల్సి వచ్చేది. యూఏఎన్ నెంబర్ ఎలా పొందాలో చూద్దాం..
* ఈపీఎఫ్‌వో వెబ్‌సైట్‌కు వెళ్లాలి. https://www.epfindia.gov.in/site_en/index.php లింక్‌పై క్లిక్ చేస్తే వెబ్‌సైట్ ఓపెన్ అవుతుంది.
* అవర్ సర్వీసెస్ ట్యాబ్‌లోని ‘ఫర్ ఎంప్లాయీస్’ ఆప్షన్ ఎంచుకోవాలి.
సర్వీసెస్ ఆప్షన్ కింద ఉన్న మెంబర్ యూఏఎన్/ఆన్‌లైన్ సర్వీసెస్ అనే ఆప్షన్‌పై క్లిక్ చేయాలి.
* డైరెక్ట్ యూఏఎన్ అలాట్‌మెంట్ బై ఎంప్లాయీస్ అనే ఆప్షన్‌లోకి వెళ్లాలి. ఇది ఇంపార్టెంట్ లింక్స్‌లో ఉంటుంది.
* ఇక్కడ ఆధార్ కార్డుతో అనుసంధానమైన మొబైల్ నెంబర్ ఎంటర్ చేయాలి. అలాగే క్యాప్చా కోడ్ ఎంటర్ చేసి ఓకే చేయాలి.
ఇప్పుడు మీకు యూఏఎన్ నెంబర్ క్రియేట్ అవుతుంది. దీన్ని కొత్తగా ఉద్యోగంలో చేరిన సంస్థకు అందించాలి.
* ఈ లింక్‌పై https://unifiedportal-mem.epfindia.gov.in/memberinterface/no-auth/citizenRegistration/viewRegistraton?_HDIV_STATE_=19-8-42B895CB97C23CD079176BE8CC831611 క్లిక్ చేసి డైరెక్ట్‌గా యూఏఎన్ నెంబర్ పొందొచ్చు.
