స్మార్ట్‌ఫోన్ల ధరలు తగ్గడం, డేటా కోసం పెట్టే ఖర్చు తక్కువగా ఉండటం, సామాజిక మాధ్యమాలపై వెచ్చించే సమయం ఎక్కువ కావడం రోజువారీ వాట్సాప్ వినియోగం పెరిగేందుకు కారణాలు అన‌డంతో ఏ మాత్రం సందేహం లేదు. సమాచారం సులువుగా ఇచ్చిపుచ్చుకునేందుకు ఓ మార్గంగా మొదలైన ఈ టెక్‌ వేదిక.. ఇప్పుడు అనేక విధాలుగా ఉప‌యోగ‌ప‌డుతుంది. మెసేజులు పంపడానికి, వాయిస్, వీడియో కాల్స్ చేయడానికి, ఫోటోలు, డాక్యుమెంట్లు షేర్ చేసుకోవడానికి ఈ యాప్ ను విపరీతంగా వాడుతున్నారు. అయితే ఒకళ్లకు పంపాల్సిన మెసేజ్ ఇంకొకళ్లకు పొర‌పాటున పంపిస్తుంటారు.
అప్పుడు ఏం చేస్తారు..? ‘డిలీట్ ఫర్ ఎవ్రీ వన్’ అనే ఆప్షన్ ఉందిగా డిలీట్ చేస్తే స‌రిపోతుంది అనుకుంటారు. కానీ.. ఇక్క‌డ అసలు విష‌యం ఉంది. అన్ని సందర్భాల్లోనూ ఆ మెసేజ్ డిలీట్ అయిపోతుందనుకుంటే మీరు ప‌ప్పులో కాలేసిన‌ట్టే. కొన్ని సందర్భాల్లో ఆ ఆప్షన్ ఫెయిలయ్యే చాన్స్ ఉంది. మరి ఆ సంద‌ర్భాలు ఏంటో చూడండి. మనం మెసేజ్ డిలీట్ చేసినప్పుడు ఒక్కోసారి అది ఫెయిల్ అయ్యే చాన్స్ ఉంది. కానీ, మనకు నోటిఫికేషన్ కూడా రాదు. ఇలాంటి సందర్భాల్లో అవతలి వ్యక్తి మనం పంపిన మెసేజ్ను చూసే చాన్సెస్ చాలా ఎక్కువ. పంపిన మెసేజ్ను డిలీట్ చేయడానికి ఉండే టైం గంటా 8 నిమిషాల 16 సెకన్లు. ఆ లోపలే మెసేజ్ను డిలీట్ చేసేయాలి.
డిలీట్ ఆప్షన్ను వాడుకోవాలంటే మీతోపాటు అవతలి వాళ్ల వాట్సాప్ లేటెస్ట్ వెర్షన్ అయి ఉండాలి. ఆండ్రాయిడ్, ఐవోఎస్లైనా పంపేవాళ్లది, ఆ మెసేజ్ను రిసీవ్ చేసుకున్న వాళ్ల వాట్సాప్ లేటెస్ట్ వెర్షన్లో ఉండాలి. లేదంటే మనం డిలీట్ చేసినా.. అవతలి వారి ఫోన్ డిలీట్ అవ్వ‌దు. అంతేకాకుండా పంపిన మెసేజ్ను డిలీట్ చేయాలనుకున్నలోపే వాళ్లు దాన్ని చూసే అవకాశం ఉంటుంది. దాంతో మనం మెసేజ్ డిలీట్ చేసినా ప్ర‌యోజ‌నం ఉండ‌దు. అలాగే ఐఫోన్ వాడేవాళ్ల వాట్సాప్కు మెసేజ్లుగానీ, ఫొటోలు గానీ పంపితే, ఆ ఫొటోలు వాళ్లవాళ్ల ఫోన్లలో సేవ్ అయ్యే చాన్స్ ఉంటుంది. దీంతో మ‌న మెసేజ్‌లు డిలీట్ చేసినా వాళ్ల ఫోన్‌లో అలాగే ఉంటుంది.
