జీ మెయిల్.. ప్ర‌త్యేకంగా అవసరం లేని పేరు. నేటి కాలంలో ఎక్కువ మంది జీ మెయిల్ వినియోస్తున్నారు. ఎన్నో రకాల సేవలకు ఈ మెయిల్ ఎంతో అవసరం. బీమా పాలసీ తీసుకుంటే అది డిజిటల్ రూపంలో కంపెనీ నుంచి నేరుగా మెయిల్ ఐడీకి వస్తుంది. క్యాబ్స్ బుక్ చేసుకుంటే బిల్లు కాపీ కూడా మెయిల్ కు వస్తుంది. ఇలా ఎన్నింటికో ఈ మెయిల్ ఐడీ అన్నది డిజిటల్ చిరునామా. అయితే అందరూ ఉప‌యోగించేదే అయిన‌ప్ప‌టికీ.. ఇందులో ఉండే ఫీచ‌ర్ల గురించి చాలా మంది తెలియ‌దు. వాటిలో కొన్నిటిని ఇప్పుడు తెలుసుకుందాం.
సెల్ఫ్ డిస్ట్రక్ట్ మెయిల్... మీరు పంపిన మెయిల్ ని కొంత టైమ్‌ తర్వాత డిలీట్ చెయ్యాలి అంటే దీనిని వాడుకోవచ్చు. అయితే ఒక రోజు నుంచి అయిదేళ్ళ వరకు… మీరు సెలెక్ట్ చేసిన సమయం తర్వాత మెయిల్ మాయం అయిపోతుంది. అందుకు ముందుగా మీరు కంపోజ్ క్లిక్ చేసిన తర్వాత క్లాక్ ఐకాన్ పైన క్లిక్ చేసి.. టైమ్‌ పేర్కొంటే స‌రిపోతుంది.
రీస్టోర్‌ అడ్రస్‌.. ఒకవేళ మీరు మొబైల్‌ డివైజ్‌లో నుంచి కాంటాక్ట్స్‌ డిలీట్ చేసినపుడు గూగుల్ అకౌంట్‌లోని కాంటాక్ట్‌ కూడా డిలీట్ అవుతుంది. అయితే డిలీట్ అయిన కాంటాక్ట్‌ను రీస్టోర్‌ చేసుకోవాలనుకుంటే డిలీట్ చేసిన 30 రోజుల్లోగా రికవరీ చేసుకోవచ్చు. కాంటాక్ట్స్‌లోకి వెళ్లి మోర్‌పై క్లిక్ చేసి రీస్టోర్‌ కాంటాక్ట్స్‌ని ఎంచుకోవాలి. రీస్టోర్‌పై క్లిక్ చేస్తే డిలీట్ అయిన కాంటాక్ట్స్‌ రీస్టోర్‌ అవుతాయి.
జీమెయిల్ ఆఫ్‌లైన్.. ఇంటర్నెట్ లేకపోయినా మెయిల్ చదవడానికి ఈ ఫీచర్ ఉపయోగపడుతుంది. అయితే గూగుల్ క్రోమ్ ఉంటేనే ఇది సాధ్యమవుతుంది. అందుకు ముందుగా జీమెయిల్ ఆఫ్‌లైన్ సెట్టింగ్స్ ఓపెన్ చేసి ఎన‌బుల్ ఆఫ్‌లైన్ మెయిల్ పై క్లిక్ చేస్తే ఎన్ని రోజుల మెసేజెస్ కావాలంటే అన్ని సింక్ చేసుకునే అవకాశం ఉంటుంది.
