ഓപ്പോയുടെ ടിവി ഉടൻ വിപണിയിൽ എത്തുന്നു. ഒപ്പം സ്മാർട് ടിവി വിപണികൾ മത്സരം കടുക്കുന്നു. സ്മാർട്ട്ഫോൺ, വെയറബിൾ ഡിവൈസ് എന്നിവ നിർമ്മിക്കുന്ന ഒപ്പോയുടെ ശ്രേണിയിൽ സ്മാർട്ട് ടിവി വമ്പൻ മുതൽ കൂട്ടാകും എന്ന് ചൈനീസ് മാധ്യമങ്ങൾ റിപ്പോർട്ട് ചെയ്യുന്നു. ആൻഡ്രോയിഡ് അടിസ്ഥാനമായി പ്രവർത്തിക്കുന്ന ഒപ്പോയുടെ സ്മാർട്ട് ടിവി ഈ വർഷം അവസാനത്തോടെ ചൈനീസ് വിപണിയിലും അടുത്ത വർഷത്തിന്റെ തുടക്കത്തിൽ ഇന്ത്യയിലും എത്തും എന്നാണ് പ്രതീക്ഷിക്കുന്നത്.

 

 

   ചൈനീസ് സമൂഹ മാധ്യമമായ വെയ്‌ബോ പേജിൽ തങ്ങളുടെ 5ജി സംവിധാനങ്ങൾ ഒരു വർഷം പിന്നിട്ടതുമായി ബന്ധപെട്ടു പോസ്റ്റ് ചെയ്ത ചിത്രത്തിൽ സ്മാർട്ട് ടിവിയുടെ സൂചനകൾ വ്യക്തമാണ്. മാത്രമല്ല ഓപ്പോ വൈസ് പ്രസിഡന്റ് ലിയു ബോ തന്നെ മുൻപ് ഓപ്പോ ബ്രാൻഡിന് സ്മാർട്ട് ടിവി നിർമിക്കാൻ പദ്ധതിയുണ്ട് എന്ന് വ്യക്തമാക്കിയിരുന്നു. മാത്രമല്ല വിവിധ സ്ക്രീൻ സൈസിൽ എൻട്രി ലെവൽ, മിഡ് ലെവൽ സ്മാർട്ട് ടിവികളാണ് അടുത്ത മാസം വൺപ്ലസ്സിൽ നിന്നെത്തുന്നത്.

 

 

  റിപ്പോർട്ടുകളനുസരിച്ച് ഏറ്റവും വിലക്കുറവുള്ള പുത്തൻ വൺപ്ലസ് സ്മാർട്ട് ടിവിയുടെ വില ഏകദേശം 15,000 രൂപയ്ക്കടുത്താണ് ആരംഭിക്കുക.വൺപ്ലസ്സിന്റെ സ്മാർട്ട് ടിവികൾ ഇപ്പോൾ തന്നെ ഇന്ത്യയിൽ ലഭ്യമാണ്. Q1, Q1 പ്രൊ എന്നീ പേരുകളിൽ വില്പനയിലുള്ള വൺപ്ലസ് സ്മാർട്ട് ടിവിയുടെ പ്രധാന പ്രശ്നം വിലയാണ്, Rs 69,900. അതെ സമയം വൺപ്ലസ് സിഇഒയും സ്ഥാപകനുമായ പീറ്റ് ലോ വിലക്കുറവുള്ള വൺപ്ലസ് ടിവി ശ്രേണി അടുത്ത മാസം 2-ന് ലോഞ്ച് ചെയ്യും എന്ന് വ്യക്തമാക്കി ട്വീറ്റ് ചെയ്തു.

 

 

  ഇ-കോമേഴ്‌സ് ഭീമന്മാരായ ഫ്ലിപ്കാർട്ട് നോക്കിയയുമായി ചേർന്ന് കഴിഞ്ഞ വർഷം ഡിസംബറിലാണ് ആദ്യ നോക്കിയ ടിവി ഇന്ത്യയിൽ അവതരിപ്പിച്ചത്. ഒരിക്കൽ മൊബൈൽ ഫോൺ വിപണി അടക്കിവാണ നോക്കിയയുടെ 55 ഇഞ്ച് 4കെ അള്‍ട്രാ എച്ച്ഡി ടിവിയ്ക്ക് 41,999 രൂപയാണ്. ഇത് കൂടാതെ കഴിഞ്ഞ മാസം രണ്ടാമതൊരു സ്മാർട്ട് ടിവി കൂടെ അവതരിപ്പിച്ചു.അതായത് കഴിഞ്ഞ മാസം ആണ് റിയൽമി തങ്ങളുടെ സ്മാർട്ട് ടിവി ഇന്ത്യയിൽ അവതരിപ്പിച്ചത്.

 

 

  32 ഇഞ്ച്, 43 ഇഞ്ച് സ്‌ക്രീന്‍ വലിപ്പമുള്ള ടിവികൾക്ക് യഥാക്രമം 12,999 രൂപയും 21,999 രൂപയുമാണ് വില. 400 നിറ്റ്സ് വരെ പീക്ക് ബ്രൈറ്റ്നസ്, HDR10 സ്റ്റാൻഡേർഡ് വരെയുള്ള HDR സപ്പോർട്ട്, 1 ജിബി റാം, ആപ്ലിക്കേഷനുകൾക്കായി 8 ജിബി ഇന്റേണൽ സ്റ്റോറേജ് എന്നിവയാണ് സ്മാർട്ട് ടിവികളിൽ ഉള്ളത്. മീഡിയടെക് MSD6683 പ്രൊസസർ ആണ് റിയൽമി സ്മാർട്ട് ടിവിക്ക് ശക്തി പകരുന്നത്. നോക്കിയയും, റിയൽമിയും, വൺപ്ലസ്സും, സാംസങും തങ്ങളുടെ സ്മാർട്ട് ടിവികൾ ഇന്ത്യയിൽ ലോഞ്ച് ചെയ്തു കഴിഞ്ഞു.

 

 

   അതെ സമയം മത്സരം കൂടുതൽ ഉഷാറാക്കി ഒപ്പോയുടെയും സ്മാർട്ട് ടിവികൾ അണിയറയിൽ തയ്യാറാവുന്നുണ്ട് എന്നാണ് വിവരം. ആൻഡ്രോയിഡ് സ്മാർട്ട് ഫോണുകളുമായി ഇന്ത്യൻ വിപണിയിൽ താരങ്ങളായ ബ്രാൻഡുകളാണ് റിയൽമിയും, നോക്കിയയും, സാംസങും, വൺപ്ലസ്സും, ഒപ്പോയുമെല്ലാം. ഈ ബ്രാൻഡുകൾ തമ്മിലുള്ള മത്സരം സ്മാർട്ട് ഫോണുകൾക്ക് പുറമെ സ്മാർട്ട് ടിവി സെഗ്മെന്റിലേക്കും നീളും എന്നുറപ്പാണ്. 

మరింత సమాచారం తెలుసుకోండి: