ప్రపంచంలో రోజు రోజుకీ కమ్యూనికేషన్ వ్యవస్థలో ఎన్నో విప్లవాత్మక మార్పులు చోటు చేసుకుంటున్నాయి. ముఖ్యంగా మొబైల్ రంగంలో ఇప్పటి వరకు ఎన్నో మార్పులు చేర్పులు చోటు చేసుకుంటున్న తరుణంలో నోకియా ఎప్పటికప్పుడు అప్ డేట్ అవుతూ వస్తుంది. తాజాగా హెచ్‌ఎండీ గ్లోబల్‌ గత నెలలోనే నోకియా 105 ఫోన్‌తో పాటు నోకియా 130 ఫీచర్ ఫోన్‌ను ఆవిష్కరించిన సంగతి తెలిసిందే.
ఇక నోకియా 105 ఫోన్ రూ.999కే అందుబాటులోకి తీసుకొచ్చినప్పటికీ, కొత్త నోకియా 130 మాత్రం ఎప్పడి నుంచి అందుబాటులో ఉంటుంది, ఎంత ధరకు విక్రయించనుందో కంపెనీ వెల్లడించలేదు. ప్రస్తుతం నోకియా 130 దేశవ్యాప్తంగా ఉన్న అన్ని మొబైల్ రిటైల్‌ స్టోర్లలో దీన్ని అందుబాటులో ఉంచినట్టు తెలిపింది. 1,599 రూపాయలకు లభ్యమయ్యే ఈ ఫోన్, మూడు రంగుల్లో మార్కెట్‌లోకి వచ్చింది. రెడ్, గ్రే, బ్లాక్‌ రంగుల్లో డ్యూయల్‌ సిమ్‌ వేరియంట్‌ను ఈ ఫోన్
కలిగి ఉంది.
నోకియా 130 ఫీచర్లు :
* 1.8 అంగుళాల క్యూవీజీఏ డిస్‌ప్లే
* ఎల్‌ఈడీ టార్చ్‌ లైట్‌
* మైక్రోఎస్డీ కార్డు ద్వారా 32జీబీ వరకు విస్తరణ మెమరీ
* వీజీఏ రియర్‌ కెమెరా
* బిల్ట్‌ఇన్‌ ఎఫ్‌ఎం రేడియో, మ్యూజిక్‌ ప్లేయర్, బ్లూటూత్‌
* 30+ ఆపరేటింగ్‌ సిస్టమ్‌
* 1020ఎంఏహెచ్‌ బ్యాటరీ
* పాపులర్ స్నేక్‌ గేమ్‌తో పాటు పలు రకాల గేమ్స్‌
