తైవాన్‌కు చెందిన ప్రముఖ మొబైల్ ఫోన్ సంస్థ అసుస్ సంస్థ కొత్తగా 'జెన్‌ఫోన్ 5', 'జెన్‌ఫోన్ 5 లైట్' స్మార్ట్‌ఫోన్లను విడుదల చేసింది. బార్సిలోనాలో జరుగుతున్న 'మొబైల్ వరల్డ్ కాంగ్రెస్' ప్రదర్శనలో ఈ ఫోన్‌ను ఆవిష్కరించింది. మిడ్‌నైట్ బ్లూ, మీటొర్ సిల్వర్ రంగుల్లో ఈ ఫోన్ యూజర్లకు త్వరలో రూ.38,179 ధరకు లభ్యం కానుంది.
పూర్తిగా ఎడ్జ్ టు ఎడ్జ్ డిజైన్‌ను ఈ ఫోన్ క‌లిగి ఉంది. దీంతోపాటు డిస్‌ప్లే పై భాగంలో ఐఫోన్ 10 త‌ర‌హాలో నాచ్ ఏర్పాటు చేశారు. ఫేస్ అన్‌లాక్ ఆప్షన్‌ కూడా ఈ ఫోన్‌లో ఉంది. ఆర్టిఫీషియల్ ఇంటలిజెన్స్ పరిజ్ఞానాన్ని ఇందులో పొందుపరిచారు. మిడ్‌నైట్ బ్లూ, మీటొర్ సిల్వర్ రంగుల్లో లభ్యం కానుంది. 'జెన్‌ఫోన్ 5 లైట్' ఫోన్ మిడ్‌నైట్ బ్లాక్, రోగ్ రెడ్, మూన్ లైట్ వైట్ రంగుల్లో లభ్యం కానుంది.
అసుస్ జెన్‌ఫోన్ 5 జడ్ ఫీచర్లు :
6.2 ఇంచ్ ఫుల్ హెచ్‌డీ ప్లస్ 2.5డి కర్వ్‌డ్ గ్లాస్ ఫుల్ వ్యూ డిస్‌ప్లే, 2246 x 1080 పిక్సల్స్ స్క్రీన్ రిజల్యూషన్, ఆక్టాకోర్ స్నాప్‌డ్రాగన్ 845 ప్రాసెసర్, 4/6/8 జీబీ ర్యామ్, 64/128/256 జీబీ స్టోరేజ్, 2 టీబీ ఎక్స్‌పాండబుల్ స్టోరేజ్, డ్యుయల్ సిమ్, ఆండ్రాయిడ్ 8.0 ఓరియో, 12, 8 మెగాపిక్సల్ డ్యుయల్ బ్యాక్ కెమెరాలు, 8 మెగాపిక్సల్ సెల్ఫీ కెమెరా, ఫింగర్‌ప్రింట్ సెన్సార్, 4జీ వీవోఎల్‌టీఈ, డ్యుయల్ బ్యాండ్ వైఫై, బ్లూటూత్ 5.0, యూఎస్‌బీ టైప్ సి, 3300 ఎంఏహెచ్ బ్యాటరీ, ఫాస్ట్ చార్జింగ్.
