గూగుల్ పే గురించి తెలియని వాళ్ళు ఎవరు ఉంటారు చెప్పండి. ఎటువంటి బిల్లు కట్టాలన్నా, ఒకరి బ్యాంక్ ఖాతాకి మరొకరు డబ్బులు పంపాలన్నా , ఇలా రకరకాలుగా నుంచున్న చోట నుంచీ సమస్తం సమకూర్చి పెట్టి అందరిని ఆకర్షిస్తోంది ఈ యాప్. అంతేకాదు ఈ యాప్ నుంచీ ఏ విధంగా డబ్బు లావాదేవీలు చేసినా విలువైన స్క్రాచ్ కార్డ్స్ వచ్చి అదృష్టాన్ని పరీక్షిస్తాయి. ఇప్పుడు ఇదే రీతిలో
గూగుల్ పే సంస్థ తన యూజర్లకు చక్కని అవకాశం కలిపించింది. తన యాప్ లో కొత్తగా ప్రవేశ పెట్టిన ఆ తేజ్ షాట్స్ అనే ఓ మినీ గేమ్‌ను ఆది అందులో భారీ స్కోర్ చేస్తే అందుకు తగ్గట్టుగా విలువైన స్క్రాచ్ కార్డ్స్ అందిస్తోంది. ఈ గేమ్‌లో 100 రన్స్ కొడితే రూ.50, 500 రన్స్ కొడితే రూ.100, 1000 రన్స్ కొడితే రూ.150, 2000 రన్స్ కొడితే రూ.1000, 3000 రన్స్ కొడితే రూ.2000 విలువైన స్క్రాచ్ కార్డులు వస్తాయి.
అయితే ఈ కార్డ్స్ ఉపయోగించాలి అంటే మాత్రం తప్పకుండా ఈ స్క్రాచ్ కార్డును అన్‌లాక్ చేయాలి. అలా చేయాలంటే అక్కడ సూచించే విధంగా యూజర్స్ ట్రాన్సాక్షన్ పూర్తి చేయాల్సి ఉంటుంది. దీంతో ఈ స్క్రాచ్ కార్డు అన్‌లాక్ అవుతుంది. దాంతో రివార్డ్ పొందవచ్చు. ఈ ఆఫర్ కేవలం జూలై 31 వరకూ మాత్రమే అందుబాటులో ఉంటుందని సంస్థ తెలిపింది.
