ప్రతి ఒక్కరి జీవితంలో కష్టాలు ఉంటాయి. చాలా మంది జీవితంలో ఏదైనా కష్టం రాగానే కృంగిపోతారు. కొందరు కన్నీళ్ల రూపంలో ఆ కష్టాలను వెల్లడిస్తారు. నిరాశానిస్పృహలతో తాము మాత్రమే కష్టాలు పడుతున్నామని, తమకు అదృష్టం లేదనే భావనలో ఉంటారు. కష్టాలను ఎదుర్కోవాలని, విజయం సాధించాలనే దిశగా ప్రయత్నాలు మాత్రం చేయరు.
జీవితంలో ప్రతి ఒక్కరూ ఏదో ఒక దశలో కష్టాలు పడాల్సిందే. కష్టాలు ఎదురైన సమయంలో వీలైనంత వరకు ఆ కష్టాలను చిరునవ్వుతో ఎదుర్కోవాలి. జీవితంలో ఎన్ని కష్టాలు ఎదురైనా మనల్ని మనం నమ్మాలి. కష్టపడి పని చేస్తే ఆలస్యంగానైనా విజయం సొంతమవుతుందని గ్రహించాలి. మన కష్టాలను, బాధలను వీలైనంతవరకు ఇతరులకు తెలీకుండా ఉంచేందుకు ప్రయత్నించాలి.
జీవితంలో ఎంత కష్టపడితే ఆ కష్టానికి తగిన ఫలితం వచ్చినప్పుడు అంత సుఖపడవచ్చు.. అలా కాకుందా తమను తామే నిందించుకుంటూ కష్టపడకుండా సమయాన్ని వృథా చేస్తే మాత్రం జీవితంలో ఉన్నత స్థానాలకు ఎదగడం కష్టం. మన కష్టాలను పరిష్కరించుకోవడానికి వీలైనంత వరకు ఇతరులపై ఆధారపడకపోవడమే మంచిది.
