మనలో చాలామందికి జీవితంలో ఎలాంటి లక్ష్యాన్నైనా సాధించే అసాధారణమైన ప్రతిభ ఉంటుంది. కానీ మనస్సులోని కోరికలను అదుపులో పెట్టుకోలేక విజయాలను సాధించలేకపోతూ ఉంటారు. పనులను పోస్ట్ పోన్ చేసుకుంటూ సమయాన్ని వృథా చేసి తరువాత బాధ పడుతూ ఉంటారు. చాలామంది రోజులో ఎక్కువ సమయం సమయాన్ని కాలయాపన చేయటానికి ప్రాధాన్యతనిస్తున్నారు. ఆ తరువాత సకాలంలో పనులు పూర్తి చేయలేక ఇబ్బందులు పడుతూ ఉంటారు.
ఇలాంటివారు కెరీర్ లో ఎదిగే అవకాశాలు చాలా తక్కువగా ఉంటాయి. ఎవరైతే కోరికలను అదుపులో పెట్టుకుంటారో వారు సులభంగా విజయం సాధించగలుగుతారు. అలా కాకుండా కెరీర్ లో విలువైన సమయాన్ని వృథా చేస్తే మాత్రం జీవితాంతం బాధ పడాల్సి ఉంటుంది. జీవితంలో బుద్ధి ఎల్లప్పుడూ మనల్ని మంచి వైపు మళ్లిస్తే మనస్సు మాత్రం కోరికల వైపు మళ్లిస్తుంది.
మన మనస్సు చెప్పే మాటల కంటే బుద్ధి చెప్పే మాటలను వింటే జీవితాంతం సంతోషంగా ఉండవచ్చు. మనస్సులోని కోరికలను అదుపులో పెట్టుకోకపోతే తాత్కాలికంగా సంతోషం లభించినా జీవితాంతం బాధ పడాల్సి ఉంటుంది. మనస్సులోని కోరికలను కంట్రోల్ చేసుకుంటే మొదట కష్టపడినా జీవితాంతం సంతోషంగా గడపవచ్చు. అందువల్ల మనస్సులోని కోరికలను అదుపులో పెట్టుకోవడానికి ప్రయత్నించాలి.
లక్ష్యాలను సాధించి ఉన్నత స్థానాల్లో స్థిరపడిన తరువాత మనం కోరుకున్న ప్రతి కోరికను సులభంగా నెరవేర్చుకునే అవకాశం ఉంటుంది. జీవితంలో ఏ సందర్భంలోనైనా కెరీర్ కే ప్రథమ ప్రాధాన్యత ఇవ్వాలి. కెరీర్ లో ఎదిగితే మిగతా వాటిని సులభంగా సాధించడం సాధ్యమవుతుంది. విద్యార్థి దశ నుంచే అవసరమైన విషయాలకు, కెరీర్ కు ఉపయోగపడే విషయాలకు ఎక్కువ ప్రాధాన్యత ఇస్తూ మనస్సును అదుపులో ఉంచుకుంటే సులభంగా విజయం సొంతం చేసుకోవచ్చు.