പൂളിൽ കുളിക്കുമ്പോൾ ചുരിദാര് ഇടാനാകില്ലല്ലോ? പറഞ്ഞത് നടി ദീപ്തി സതിയാണ്. ഇത്വിമർശകർക്കുള്ള മറുപടിയാണ്. മലയാളത്തിന് പുറമെ തമിഴിലും കന്നഡയിലും മറാത്തിയിലുമെല്ലാം അഭിനയിച്ച് വലിയ താരമായി മാറുകയായിരുന്നു ദീപ്തി.
പോയവര്ഷം ഡ്രെെവിങ് ലെെസന്സിലൂടെ മലയാളത്തിലേക്ക് മടങ്ങിയെത്തുകയും ചെയ്തു ദീപ്തി. മറാത്തിയില് ഗ്ലാമര് വേഷത്തിലായിരുന്നു ദീപ്തി എത്തിയത്. താരത്തിന്റെ ബിക്കിനി വേഷത്തിലുള്ള രംഗത്തിനെതിരെ ശക്തമായ വിമര്ശനം ഉയര്ന്നിരുന്നു. എന്നാല് ഇതൊന്നും ദീപ്തിയെ ബാധിക്കുന്നതേയില്ല.
താരം വിമര്ശനങ്ങളുടെ വായടപ്പിക്കുകയാണ്. തന്റെ ജോലി അഭിനയിക്കുക എന്നതാണ്. അത് നൂറ് ശതമാനം അര്പ്പണ ബോധത്തോടെ ചെയ്യുമെന്നും അതില് ഈര്ഷ്യയുള്ളവര് എന്ത് വേണമെങ്കിലും പറയട്ടെയെന്നും ദീപ്തി സതി പറയുന്നു.
അതൊന്നും തന്നെ ബാധിക്കുന്നില്ലെന്ന് താരം വ്യക്തമാക്കുന്നു.പറയാനുള്ളത് പറയടട്ടെയെന്നാണ് ദീപ്തിയുടെ ഭാഗം. പൂളില് കുളിക്കുന്ന രംഗത്തില് അതല്ലാതെ പിന്നെ ചുരിദാര് ധരിക്കാന് കഴിയില്ലല്ലോയെന്ന് ദീപ്തി ചോദിക്കുന്നു.
അതേസമയം ആളുകള് എങ്ങനെ സ്വീകരിക്കുമെന്നും രംഗങ്ങള് എങ്ങനെയൊക്കെ ദുരുപയോഗം ചെയ്യുമെന്നും ആശങ്കയുണ്ടായിരുന്നുവെന്നും താരം പറയുന്നു.
മിസ് ഇന്ത്യ മത്സരാര്ത്ഥിയായിരുന്നു താനെന്നും അന്ന് ഇതിലും ഗ്ലാമറസായ വേഷമണിഞ്ഞാണ് മത്സരിച്ചതെന്നും താരം പറയുന്നു.
ബിക്കിനി അണിഞ്ഞതിനെ കുറിച്ചും ദീപ്തി മനസ് തുറന്നു. ആദ്യമായി ബിക്കിനി അണിഞ്ഞ് അഭിനയിച്ചത് ലക്കിയിലായിരുന്നു.മാത്രമല്ല തന്റെ ചിത്രം റിലീസ് ആയപ്പോള് ലഭിച്ചത് പോസിറ്റീവായ പ്രതികരണങ്ങളായിരുന്നു. പക്ഷെ അപ്പോഴും ചിലര്ക്ക് പിടിച്ചിരുന്നില്ല.
അതൊന്നും കാര്യമാക്കുന്നില്ലെന്നും ദീപ്തി പറയുന്നു. കഥാപാത്രത്തിനായി എന്തും സഹിക്കുമെന്നും ദീപ്തി പറയുന്നു. ആദ്യ സിനിമയായ നീനയില് മുടി മുറിച്ചിരുന്നു. അതില് തനിക്ക് വിഷമമൊന്നും തോന്നുന്നില്ലെന്ന് ദീപ്തി പറയുന്നു.
കഥാപാത്രത്തിനായി ശാരീരികമാറ്റം വരുത്താനും എന്ത് തരത്തിലുള്ള വസ്ത്രം ധരിക്കാനും മടിയില്ലെന്ന് ദീപ്തി പറയുന്നു. താന് ഉദ്ദേശിച്ച നേട്ടം സിനിമയിലുണ്ടാക്കാന് സാധിച്ചിട്ടില്ലെന്ന് ദീപ്തി പറയുന്നു.
താനൊരു അത്യാഗ്രഹിയാണെന്നും ഇനിയും നല്ല വേഷങ്ങള് ചെയ്യണമെന്നും നല്ല കഥാപാത്രങ്ങള് തന്നെ തേടി വരുമെന്ന പ്രതീക്ഷയുണ്ടെന്നും താരം വ്യക്തമാക്കുന്നു.