ఎవరికైనా వార్నింగ్ ఇవ్వాల్సి వస్తే వారు సొంత పార్టీ వారైనా.. ప్రత్యర్థి పార్టీ వారైనా ఎంత స్థాయి వారైనా వెనకా ముందు ఆలోచించకుండా తనదైన శైలిలో విమర్శలు చేస్తూ.. తాను అనుకున్నది ఏమిటో ముక్కుసూటిగా చెప్పగల వ్యక్తి తెలంగాణ సీఎం కేసీఆర్. తనకు సంతోషం వస్తే ఏ విధంగా ఉంటుందో అదే విధంగా ఆగ్రహం వచ్చినా అదేవిధంగా వెంటనే చూపిస్తూ ఉంటారు. తాజాగా తెలంగాణ మున్సిపల్ ఎన్నికల్లో విజయం సాధించడంతో మంచి ఉత్సాహంగా ఉన్న కేసీఆర్ ఈరోజు పట్టణ ప్రగతిపై చైర్పర్సన్ లు, మేయర్లు, ఎమ్మెల్యేలు, మంత్రులతో సమావేశం నిర్వహించారు.
