స్మార్ట్ ఫోన్ తయారీల రంగం లో సైలెంట్ అయిపోయిన నోకియా ఇప్పుడు సాఫ్ట్ వేర్ రంగం లో తన సేవలు విస్తరించే పని లో పడింది. దీని కోసం నెట్‌వర్క్ పరికరాల తయారీ సంస్థ కాంప్‌టెల్‌ను కొనుగోలు చేయాలని నిర్ణయించింది. ఆ సంస్థకు రూ.2470 కోట్ల భారీ ఆఫర్ ప్రకటించింది. ఫిన్‌ల్యాండ్‌కు చెందిన ఈ కంపెనీ ఒక్కో షేర్‌ను 3.04 యూరోలకు కొనుగోలు చేసేందుకు సంసిద్ధత వ్యక్తం చేసింది. ఇది కాంప్‌టెల్ గత ముగింపు షేర్ ధర కన్నా ఎంతో ఎక్కువ. నోకియా ఆఫర్‌పై కాంప్‌టెల్ నుంచి ఇప్పటి వరకు ఎటువంటి స్పందన లేదు.
