నేను అలసిపోను
ఎప్పుడూ శ్రమిస్తూనే ఉంటాను!
నేను విసిగిపోను
ఎప్పుడూ ఓపికతో ఉంటాను !
నేను కోపపడను
ఎప్పుడూ సహనంతో ఉంటాను !
నేను కూర్చోను
ఎప్పుడూ ప్రయాణిస్తూ ఉంటాను !
నేను అసూయ పడను
అంతకంటే బాగా చేస్తాను !
నేను ఆశించను
ఎప్పుడూ సాధించాలనుకుంటాను !
నేను భయపడను
ఎప్పుడూ ధైర్యంగా ఉంటాను !
నేను అజ్ఞానిని కాను
ఎప్పడూ జ్ఞానము వైపు ఉంటాను !
నేను సాంప్రదాయ వాదిని కాను
ఎప్పుడూ మార్పు వైపు ఉంటాను !
నేను విశ్రాంతి తీసుకోను
గమ్యం వైపు ప్రయాణిస్తూ ఉంటాను !
నేను మూఢాచారిని కాను
శాస్ర్త విజ్ఞానం వైపు ఉంటాను !
నేను బానిసను కాను
బానిసత్వంపై పోరాడుతూ ఉంటాను !
నేను సోమరిని కాను
ఎప్పుడూ అధ్యయనం చేస్తూ ఉంటాను !
నేను ఒంటరిని కాను
ఎప్పుడూ సంఘంతో ఉంటాను !
నేను సమస్య కాను
సమస్య పరిష్కారం వైపు ఉంటాను !
నేను ఎందుకిలా ఉంటానంటే నేను మంచి ,మానవత్వం వైపు వున్న మనుషుల వైపు ఉంటాను కనుక ! నేను సామాజిక స్పృహ కలిగిన మనుషుల వైపు ఉంటాను కనుక ! నేను ప్రతి క్షణం ఆనందంగా ఉండే మనుషుల వైపు ఉంటాను కనుక ! నేను ప్రతి పనిని అద్భుతంగా చేసే మనుషుల వైపు ఉంటాను కనుక ! నేను వ్యక్తిత్వ వికాసం నేర్పాటమే కాక ఆచరించే మనుషుల వైపు ఉంటాను కనుక ! నేను ప్రతి క్షణం నా ఎరుక లో నేను ఉంటాను కనుక!