హీరో పెడింది కుర్రోడు.. హీరోయిన్ గొప్పింటి అమ్మాయి. ఇద్దరు ప్రేమించుకుంటారు. దానికి పెద్దలు ఒప్పుకోరు. వారిని ఒప్పించి పెళ్లి చేసుకుంటారు. ఇది ఎప్పటినుంచో వస్తున్న కథే. ఈ మూలంలోనుంచే మార్పులు చేర్పులు చేసుకొని.. సినిమా కథగా మర్చి సినిమాగా తీస్తున్నారు. అలా వచ్చిందే సీతమ్మ అందాలు.. రామయ సిత్రాలు. ఇందులో కూడా హీరో రామ్ అల్లరి చిల్లరిగా తిరగే వ్యక్తే. చదువు పెద్దగా లేదు. భవిష్యత్తు గురించి ఆలోచించని వ్యక్తి. అనటువంటి హీరో గొప్పింటి అమ్మాయి సీత ను ప్రేమిస్తాడు. సీత కోసం తనకు ఎంతో ఇష్టమైన క్రికెట్ కూడా పక్కన పెడతాడు రామ్. అయితే, సీత మాత్రం అతడిని ప్రేమించడు. ఇకపోతే, పెద్ద చదువులు కోసం సీత రామచంద్రాపురం నుంచి హైదరాబాద్ వెళ్తుంది. సెలవులకు వచ్చినపుడు రామ్ సీతను లైన్లో పెట్టాలని ప్రయత్నం చేస్తుంటాడు. ఓ సారి అతని ప్రయత్నం ఫలిస్తుంది. అయితే, ఈ విషయం సీత తండ్రికి తెలుస్తుంది. పనిపాట లేకుండా అల్లరి చిల్లరిగా తిరిగే వాడికి ఇచ్చి పెళ్లి చేసేందుకు తండ్రి ఒప్పుకోడు. వెంటనే రంగంలోకి కాబోయే అల్లుడిని రంగంలోకి దించుతాడు. అల్లుడు రంజీ క్రికెటర్. సంపాదన కూడా బాగానే ఉన్నది. మంచిపేరు కూడా తెచ్చుకున్నాడు. ఇకపోతే, హీరో రామ్ కు, వరుణ్ కు మధ్య పోటీ ఏర్పడుతుంది. ఆ పోటీ ఏమిటి.. పోటీలోఎలా నెగ్గాడు అన్నది చిత్ర కథ
తన లైఫ్ లో ఉంది ఒక్కటే అమ్మాయి, ఎప్పటికైనా తననే పెమించి పెళ్లి చేసుకోవాలి అనే పాత్రలో రాజ్ తరుణ్ పెర్ఫార్మన్స్ బాగుంది. విలేజ్ కుర్రాడి లుక్ లో మరియు పల్లెటూరి మాస్ డైలాగ్స్ ని పర్ఫెక్ట్ గా చెప్పడంలో రాజ్ తరుణ్ సక్సెస్ అయ్యాడు. ఇక హీరోయిన్ అర్తన ఈ సినిమాకి మెయిన్ సోల్. తన క్యూట్ లుక్స్ మరియు అద్భుతమైన హావ భావాలతో అమితంగా ఆకట్టుకుంది. తనే ఈ సినిమాకి ప్రధాన ఆకర్షణ. తనకి మంచి అవకాశాలు వస్తే టాలీవుడ్ లో మంచి ప్లేస్ కి వెళ్తుంది. రాజ రవీంద్ర, హేమ, సురేఖ వాని, ఆదర్శ బాలకృష్ణ, శకలక శంకర్ మిగిలిన నటీనటులు తమ పరిదిమేర నటించారు.
ఓ పాత కథకి కొత్త రంగులు అద్ది డీసెంట్ రొమాంటిక్ కామెడీ ఎంటర్ టైనర్ గా తీయాలని చేసిన ప్రయత్నమే 'సీతమ్మ్ అందాలు రామయ్య సిత్రాలు'. అందులో భాగంగానే ఫస్ట్ హాఫ్ లో కొన్ని లవ్ మోమెంట్స్, కామెడీ బిట్స్ తో అలా అలా సాగిపోయినా హారిబుల్ సెకండాఫ్ తో ప్రేక్షకులను ఇబ్బంది పెట్టేసాడు. ముఖ్యంగా క్లైమాక్స్ ని అయితే సాగదీసి వదిలాడు. నూతన పరిచయం అయిన హీరోయిన్ అర్తన పెర్ఫార్మన్స్, గోపి సుందర్ మ్యూజిక్, విజుబల్స్ ఆడియన్స్ కి కాస్త అనడాన్ని ఇస్తాయి. ఈ సినిమా లో మీరు ఇది వరకూ తెరపై చూడనిది అయితే ఏమీ చూడరు. అంతా చూసిందే, కానీ ఏదో కొన్ని కామెడీ బిట్స్ కోసం తప్ప పెద్దగా ఇంప్రెస్ చేసే సీన్స్ ఏమీ ఇందులో లేవు. థియేటర్ కి వెళ్లి చూడాల్సిన కంటెంట్ ఉన్న సినిమా అయితే ఇది కాదు.