తన నటన, అందచందాలతో అనుష్క ఎంతగా మెప్పించినా కంఠ స్వరం మాత్రం అమెది కాదు. ఇప్పటి వరకూ అనుష్క నటించిన అన్ని సినిమాలకు వేరే వారి చేత డబ్బింగ్ చెప్పించారు. అయితే తాజాగా అనుష్క ఆ లోటు గా తీర్చనుంది. అనుష్క కొత్త సినిమాలో ఆమె స్వయంగా డబ్బింగ్ చెప్పుకోనుంది.
అనుష్క, ఆర్య జంటగా సెల్వారాఘవన్ దర్శకత్వంలో ‘ఇరండం ఉలగం’ అనే తమిళ సినిమా రూపొందుతుంది. ఈ సినిమాను తెలుగులో ‘బృందావనంలో నందకుమారుడు’ అనే పేరుతో విడుదల చేయనున్నారు. తెలుగులో ఈ సినిమాకు అనుష్క స్వయంగా డబ్బింగ్ చెప్పుకోనుంది. దీంతో మనం అనుష్క గొంతు వెండితెర మీద మొదటిసారిగా విననున్నాం.
కాగా, ఈ సినిమాలో అనుష్క ద్విపాత్రాభినయం చేస్తుంది. గిరిజన అమ్మాయిగానూ, అధునిక యువతిగానూ అనుష్క ఈ సినిమాలో నటిస్తుంది.