అని ప్రకటించాడు. సరేలే మారుతి మారాడు అనుకొన్నారు సినిమా వాళ్లు. ప్రేమకథా చిత్రం సినిమా చూస్తున్నప్పుడు అలాగే అనిపించింది. ఈ సినిమాకి మారుతి దర్శకుడు కాకపోయినా.. దర్శకుడులాంటి వాడే. కథ, స్ర్కీన్ ప్లే, మాటలు, దర్శకత్వ పర్యవేక్షణ, నిర్మాత ఇలా అన్నీ ఆయనే ఈ సినిమాకి. తొలి భాగంలో ఒక్క బూతూ లేకపోవడంతో నిజ్జంగా మారుతి మారిపోయాడు అనుకొన్నారంతా.
కానీ సెకండాప్లో మాత్రం మారుతిలోని కోతి చేష్టలు బయటకు వచ్చాయి. గులబ్జామ్, బ్యాటింగ్ అంటూ బూతుని మరో పేరుతో వినిపించాడు. సినిమా సాఫీగా సాగిపోతున్నప్పుడు ఈ బూతు బాగోతం ఏమిటో ప్రేక్షకులకు అర్థం కాలేదు. మారుతిలో అప్పటి వరకూ నొక్కి పెట్టిన ఆవేశం.. చివర్లో ఆపుకోలేక కట్టెలు తెంచుకొచ్చిందేమో. వరుసగా బూతులు పడిపోయాయి. ప్ఛ్.. మారుతి ఇక మారడా??