తొలుత ఈనెల 14న ఈ సినిమాని తీసుకొద్దాం అనుకొన్నారు. అయితే ఇప్పుడు 21కి వాయిదా పడింది. దానికి కారణం ఈ సినిమా ఇంకా అమ్ముడుపోలేదు.సపోజ్ నరేష్ సినిమాని ఓ ఏరియాకి పావలాకి కొంటారనుకొందాం. ఇప్పుడు దాని విలువ రూపాయి చెబుతున్నారు నిర్మాతలు. కారణం ఈ సినిమాకి భారీ ఎత్తున ఖర్చుపెట్టడమే. దాదాపు 25 కోట్లు ఈ సినిమాకి ఖర్చయ్యాయట. అంతా.. బయ్యర్ల దగ్గర లాగేద్దాం అని చూస్తున్నారు నిర్మాతలు.
అయితే నరేష్ సినిమాని ఆ రేటు పెట్టి కొనడానికి ఎవరూ ధైర్యం చేయడం లేదు.నరేష్ సినిమాల్లో సూపర్ హిట్గా నిలిచిన చిత్రం సుడిగాడు. అదే... రూ. 14 కోట్లు వసూలు చేసింది. యాక్షన్ సినిమాకి పెట్టబడి తిరిగి రావాలంటే సుడిగాడు కంటే సూపర్గా ఉండాలి. మరి అది సాధ్యమేనా? అనేది బయ్యర్ల అనుమానం. దాంతో వాళ్లంతా ఈ సినిమాకి దూరంగా ఉన్నారు. అందుకే నరేష్ సినిమా ఇలా వాయిదాలు పడుతోంది.