అల్లు వారి పిల్లగాడు నేరుగా తమిళంలో ఓ సినిమా చేయబోతున్నాడు. తమిళ సీమలో ఎంట్రీ ఇవ్వాలని బన్నీ ఎప్పటి నుంచో అనుకొంటున్నాడు. అయితే డబ్బింగ్ సినిమాతో అక్క డికి వెళ్లకూడదనేది బన్నీ తనకు తాను పెట్టుకొన్న షరతు. ఓ మంచి కథ కోసం ఎదురు చూస్తూ వస్తున్నాడు. అది ఇప్పటికి దొరికింది. యాక్షన్ చిత్రాల స్పెషలిస్టు లింగుస్వామి దర్శకత్వంలో తెలుగు,
తమిళ భాషల్లో ఓ సినిమా చేసేందుకు అంగీకరించాడు అల్లు అర్జున్. త్వరలోనే ఆ సినిమా ప్రారంభం కాబోతోంది. ఈ చిత్రాన్ని రామ లక్ష్మి సినీ క్రియేషన్స్ పతాకంపై లగడపాటి శ్రీధర్ నిర్మిస్తున్నారు. టాలీవుడ్ హీరోలకు అసలేమాత్రం అచ్చురాని చోట బన్నీ అయినా అదరగొడతాడా? మన ప్రతాపం చూపిస్తాడా?? చూడాలి మరి.