కెరీర్ మొదటిలోనే ప్రిన్సు మహేష్ బాబు ఇద్దరు హీరోయిన్లతో యువరాజుగా దర్శన మిచ్చాడు. సాక్షి శివానంద్, సిమ్రాన్లతో పాటు ఈ మూవీలో మహేష్ కి ఓ కొడుకు కూడా ఉంటాడు. అంత తక్కువ ఏజ్ లోనే ఓ బాబుకి తండ్రిగా మహేష్ ని చూడటం ప్రేక్షకులకు కొంచెం కష్టంగానే అనిపించింది. మరి మళ్ళీ తాజాగా మహేష్ యువరాజుగా చేస్తున్నాడంటే కొంచెం ఆలోచించాల్సిన విషయమే.
అయితే మహేష్ బాబు ఇంకా ఈ యువరాజు పాత్ర గురించి వినడమే కాని చేస్తాను అని మాట ఇవ్వకపోవడంతో మహేష్ ఫ్యాన్స్ కాస్త ఊపిరి పీల్చు కుంటున్నారు. వివరాల్లోకి వెళితే అనుష్క ప్రధాన పాత్రలో గుణశేఖర్ చేస్తున్న రుద్రమదేవి మూవీలో యువరాజు పాత్ర ఒకటి ఉందని, ఆ పాత్ర కోసం గుణశేఖర్ మహేష్ బాబుని సంప్రదించాడని ఇండస్ట్రీ వర్గాల్లో వినిపిస్తుంది.
ఇప్పటకే ఈ మూవీలో రానా ఓ పాత్రను చేస్తున్న విషయం తెలిసిందే. మరి మహేష్ కూడా ఒప్పుకుంటే ఈ ప్రాజెక్ట్ రాజమౌళి బాహుబలి కంటే ఎక్కువగా హైప్ ని క్రియేట్ చేయడం ఖాయం. కానీ మహేష్ మరోసారి యువరాజుగా చేసేందుకు ఇంకా ఎటువంటి రియాక్షన్ ఇవ్వలేదని టాక్.
