తెలుగు, తమిళ ఇండస్ట్రీలో కొరియోగ్రాప‌ర్‌గా, ద‌ర్శ‌క‌హీరోగా త‌న‌దైన ఐడెంటిటీతో దూసుకుపోతున్న రాఘ‌వ లారెన్స్ నటించిన తాజా చిత్రం ‘శివలింగ’ ఏప్రిల్‌లో రిలీజ‌వుతోంది. కామెడీ, హర్రర్, థ్రిల్లర్ కాన్సెప్ట్ తో కూడుకున్న ‘ముని’ చిత్రంతో తన జైత్రయాత్ర ప్రారంభించిన లారెన్స్ మొన్నటి ‘గంగ’ వరకు కొనసాగించాడు. సూపర్ స్టార్ రజినీకాంత్ నటించిన ‘చంద్రముఖి’ వంటి సంచలన చిత్రానికి ద‌ర్శ‌క‌త్వం వ‌హించిన పి.వాసు ఈ చిత్రానికి ద‌ర్శ‌క‌త్వం వ‌హించారు.
క‌న్న‌డ సూప‌ర్‌స్టార్ శివ‌రాజ్‌కుమార్ నటించిన ‘శివలింగ’ చిత్రాన్ని అదే టైటిల్‌తో అభిషేక్ ఫిలింస్ పతాకంపై రమేష్ పి. పిళ్లై నిర్మించారు.ఏప్రిల్ 14న అభిషేక్ ఫిలింస్ వారు ఈ సినిమాను విడుదల చెస్తున్నారు. ఈ సంద‌ర్భంగా చిత్ర నిర్మాత మాట్లాడుతూ.., ``క‌థే హీరోగా కన్నడలో బ్లాక్‌బస్టర్ అయిన చిత్రమిది. పి.వాసు గారి ‘చంద్రముఖి’ ఎంత‌టి సెన్సేష‌నో తెలిసిందే.
అలాగే లారెన్స్ ‘కాంచన’, ‘గంగ’ ఏ స్థాయిలో విజ‌యాలు సాధించాయో తెలుసు. వాటిని మించిన కథ, కథనాలతో హారర్ ఎంటర్ టైనర్‌గా ‘శివలింగ’ తెరకెక్కింది. ప్ర‌స్తుతం నిర్మాణాంతర కార్యక్రమాలు జరుగుతున్నాయి. ట్రైల‌ర్‌, పోస్ట‌ర్‌కు మంచి రెస్పాన్స్ వ‌స్తోంది.ఏప్రిల్‌లో 14న అభిషేక్ ఫిలింస్ వారు సినిమాని రిలీజ్ చేస్తున్నారు. హారర్ కాన్సెప్ట్ ల పరంగా ‘శివలింగ’ నెక్ట్స్ లెవెల్‌లో ఉండే చిత్రమ‌వుతుంది`` అని తెలిపారు.
