తెలుగు సినిమా ఖ్యాతిని ప్రపంచ వ్యాప్తంగా చాటి చెప్పిన చిత్రం ‘బాహుబలి’. విమర్శకుల చే ప్రశంసలు అందుకున్న ఈ చిత్రం జాతీయ ఉత్తమ చిత్రంగా నిలిచిన విషయం తెలిసిందే. ప్రస్తుతం బాహుబలికి సీక్వెల్ బాహుబలి 2 రాబోతుంది. ఈ చిత్రం గురించి యావత్ భారత దేశం ఎంతో ఉత్కంఠంగా ఎదురు చూస్తుంది. ఏప్రిల్ 28 న ప్రపంచ వ్యాప్తంగా విడుదల కాబోతున్న ఈ చిత్రంపై కన్నడీలు గుర్రుమీద ఉన్నారు.
బాహుబలి ది కన్ క్లూజన్ మూవీని కర్ణాటకలో విడుదల చెయ్యనివ్వబోమని కన్నడ సంఘాలు హెచ్చరించాయి. ఈ నెల 28 న ఈ చిత్రం విడుదల కానున్న నేపథ్యంలో కన్నడ ఒకోటా సంస్థ బెంగుళూరు బంద్ కు పిలుపునిచ్చింది. దీనికి కారణం గతంలో సత్యరాజ్ (కట్టప్ప) చేసిన వ్యాఖ్యలు అభ్యంతరకరంగా ఉన్నాయని ఒకోటా అధ్యక్షుడు వతల్ నాగరాజ్ అంటున్నారు. వాస్తవానికి ఈ చిత్రానికి తాము వ్యతిరేకులం కాదని కాకపోతే కావేరీ జలాల వివాదంలో సత్యరాజ్ కొన్ని అభ్యంతరకర వ్యాఖ్యలు చేశారని వారి ఆరోపణ.
సత్యరాజ్ క్షమాపణ చెబితే తమ నిర్ణయాన్ని తిరిగి పరిశీలిస్తామని నాగరాజ్ అన్నారు. గతంలో తమిళ సూపర్ స్టార్ రజనీకాంత్ ఇలాగే వివాదాస్పద వ్యాఖ్యలు చేశారు. అ తరువాత అయన తన వ్యాఖ్యలను ఉప సంహరించుకోవడంతో అయన చిత్రం శివాజీ విడుదలకు ఈ సంఘాలు అనుమతించాయి. మరి మన కట్టప్ప కన్నడీలకు సారీ చెబుతారా లేదా అనే విషయం త్వరలో తెలియాల్సి ఉంది. మరోవైపు దర్శకుడు రాజమౌళి సినిమా విడుదలకు అభ్యంతరం పెట్టవద్దన వారిని కోరుతున్నారు.
