ఫస్ట్ లుక్ పోస్టర్స్ తో స్టార్ హీరోల సినిమాల మీద అంచనాలను పెంచేయడం కామనే. ప్రస్తుతం యంగ్ టైగర్ ఎన్.టి.ఆర్ బాబి డైరక్షన్ లో వస్తున్న జై లవకుశ సినిమాలో తారక్ ఫస్ట్ లుక్ అంచనాలను పెంచడమే కాదు అదేపనిగా ఆ రెండు రోజులు హాట్ న్యూస్ గా నిలిచేలా చేసింది. రాయల్ లుక్ లో రావణగా తారక్ అదరగొట్టేశాడు.
ఈ లుక్ చూసి సినిమాను కొనేందుకు డిస్ట్రిబ్యూటర్స్ ఎగబడుతున్నారట. జనతా గ్యారేజ్ తర్వాత తారక్ చేస్తున్న మూవీ కాబట్టి ఆ సినిమా రేంజ్ దాటి బిజినెస్ చేస్తుందట. ఇక టాలీవుడ్ బాక్సాఫీస్ కు బాండాగారంగా మారిన ఓవర్సీస్ లో కూడా జై లవకుశకు భారీ డిమాండ్ ఏర్పడిందట.
జై లవకుశ కళ్యాణ్ రాం సినిమా ఓవర్సీస్ రైట్స్ 14 కోట్లు చెబుతున్నాడట. తారక్ కెరియర్ లో బ్లాక్ బస్టర్ హిట్ గా నిలిచిన జనతా గ్యారెజ్ ఇక్కడ 2 మిలియన్ డాలర్స్ కలక్షన్ తీసుకురాలేదు. మరి 14 కోట్లు పెట్టాలంటే సినిమా కలక్షన్స్ 3 మిలియన్ డాలర్స్ కలెక్ట్ చేయాలి.
అంతకుముందు వచ్చిన ఎన్.టి.ఆర్ నాన్నకు ప్రేమతో సినిమా ఓవర్సీస్ లో 2.2 మిలియన్ డాలర్స్ కలక్షన్స్ సాధించింది. ఆ సినిమా కలక్షన్స్ పై సుకుమార్ డైరక్షన్ ప్రభావం కూడా ఉంది. మరి బాబికి అంత సీన్ ఉందా అన్నది ఆలోచించాల్సిన విషయం. ఇవన్ని లెక్కలెలా ఉన్నా ఓవర్సీస్ లో మాత్రం కళ్యాణ్ రాం అనుకున్న ప్రైజ్ ఒక్క పైసా తగ్గేది లేదు అంటున్నాడట.
ఇక తెలుగు రాష్ట్రాల్లో కూడా జై లవకుశ ఓ రేంజ్ లో బిజినెస్ చేస్తుందట. జనతా గ్యారేజ్ ఫుల్ రన్ లో 80 కోట్ల దాకా తెస్తే జై లవకుశ ప్రీ రిలీజ్ బిజినెస్సే 80 కోట్ల దాకా చేస్తున్నారట. మరి తారక్ కు 100 కోట్ల కలక్షన్స్ తెస్తేనే కాని ఈ సినిమా హిట్ అన్నట్టు లెక్క.. జూనియర్ ను 100 కోట్ల క్లబ్ లో నిలబెట్టే సినిమా జై లవకుశ అవుతుందా లేదా అన్నది చూడాలి.
