‘సైరా’ ‘నరసింహా రెడ్డి’ ఫస్ట్ లుక్ మోషన్ పోష్టర్ కు విపరీతమైన స్పందన వస్తోంది. అనేకమంది ప్రముఖ సాంకేతిక నిపుణులు పనిచేస్తున్న ఈసినిమాకు సంబంధించి ఒక ఆసక్తికర విషయం ఇప్పుడు వెలుగులోకి వచ్చింది.
ఈవిషయంలో ఉన్న వాస్తవాలు ఎన్నో తెలియకపోయినా ప్రస్తుతం ఈ హాట్ గాసిప్ ఫిలింనగర్ లో షేక్ చేస్తోంది. తెలుస్తున్న సమాచారం మేరకు ఈ సినిమాకు థమన్ నే మ్యూజిక్ డైరక్టర్ గా ఉంటే బావుంటుందని డైరక్టర్ సురేందర్ రెడ్డి భావించినట్లు తెలుస్తోంది.
అయితే ఈ సినిమాకు పెరిగిపోయిన బడ్జెట్ రీత్యా ఈసినిమాకు భారీ స్థాయిలో మార్కెట్ క్రియేట్ చేయడానికి మెగా కాంపౌండ్ రీత్యా రెహమాన్ కే ఓటు వేసినట్లు టాక్. ఈ విషయంలో రెహమాన్ తో డిస్కషన్ల కోసం సురేందర్ రెడ్డి విదేశానికి కూడా వెళ్లి వచ్చినట్లు గతంలో వార్తలు వచ్చాయి.
ఇది ఇలా ఉండగా నిన్న చిరంజీవి పుట్టినరోజునాడు విడుదలైన ఈ మోషన్ పోస్టర్ కు మాత్రం ఎస్ ఎస్ థమన్ రీరికార్డింగ్ చేసినట్లు తెలుస్తోంది. రెహమాన్ కు కుదరక పోవడం వలనో లేక అందుబాటులోకి రాకపోవడం వల్లనో ఈ కార్యక్రమం థమన్ కు అప్పచేప్పారని తెలుస్తోంది. దీనితో థమన్ తన పనులన్నీ పక్కకు పెట్టి ఈ మోషన్ పోస్టర్ పైనే పని చేసినట్లు ఇండస్ట్రీ వర్గాల గాసిప్.
అయితే థమన్ కు పంపిన మోషన్ పోస్టర్ డిజైన్ లో సంగీతం ఎవరు అన్నది లేదని కూడా తెలుస్తోంది. దాంతో ఈ మోషన్ పోస్టర్ బాగా చేస్తే, తనకు చాన్స్ వస్తుందని థమన్ ఎంతో శ్రద్ధగా ఈపని పూర్తి చేసినా ఈ కార్యక్రమాన్ని పూర్తి చేసిన తరువాత ఈ ఫస్ట్ లుక్ పోష్టర్ లో చివరకు క్లైమాక్స్ గా రెహమాన్ పేరు చేర్చినట్లు గాసిప్పుల హడావిడి చేస్తున్నాయి. దీనితో ఈసినిమా తనకే వస్తుందని ఎన్నో ఆశలు పెట్టుకున్న థమన్ కు నిరాశ ఎదురైందని గాసిప్పులు హల్ చల్ చేస్తున్నాయి..
