తెలుగు ఇండస్ట్రీలో నాని హీరోగా నటించిన ‘ఎవడే సుబ్రమాణ్యం’ చిత్రంతో మంచి మార్కులు కొట్టిన సహ నటుడు దేవరకొండ విజయ్ ఆ తర్వాత వచ్చిన ‘పెళ్లిచూపులు’ చిత్రంతో మంచి ఇమేజ్ సొంతం చేసుకున్నాడు. తర్వాత వచ్చిన ద్వారక చిత్రం కూడా పరవాలేదు అనిపించింది. తాజాగా దేవరకొండ విజయ్ నటిస్తున్న ‘అర్జున్ రెడ్డి’ విడుదలకు సిద్దంగా ఉంది. ఈ నేపథ్యంలో ఓ పోస్టర్ పై వచ్చిన వివాదం రచ్చ రచ్చ చేసాంది.
ఆ పోస్టర్ లో హీరో, హీరోయిన్లు లిప్ లాక్ ఉండటంపై ఆ మద్య తెలంగాణ సీనియర్ కాంగ్రెస్ నేత వి.హనుమంత రావు బహిరంగంగా విమర్శిస్తూ..పోస్టర్ కూడా చింపివేశారు. ఈ సందర్భంగా ఆయన మాట్లాడుతూ..ఇలాంటి పోస్టర్ల వల్ల యువత పెడదారి పట్టేలా ఉన్నాయని..ఇలాంటి పోస్టర్లను ప్రభుత్వం కూడా ఎంకరేజ్ చేయవొద్దని అన్నారు. ఇక సంచలన దర్శకుడు రాంగోపాల్ వర్మ కూడా తనదైన స్టైల్లో విమర్శించారు.
అంతే కాదు ఈ పోస్టర్ పై పోలీసులకు ఫిర్యాదులు అందటంతో.. సినిమాలోని లిప్ లాక్ లకు సంబంధించిన పోస్టర్లను ఉపసంహరించుకున్నట్టు దర్శకుడు సందీప్‌ రెడ్డి వంగా, నిర్మాత ప్రణయ్‌ రెడ్డి వంగా తెలిపారు. మహిళలను గౌరవిస్తూ ఏపీ, తెలంగాణాల్లో ఏర్పాటు చేసిన ఈ సినిమా పోస్టర్లను తీసేసినట్టు తెలిపారు. ఈ సినిమా ఈ నెల 25న ప్రేక్షకుల ముందుకు రానుంది.
