ఎన్టీఆర్ క‌థానాయ‌కుడిగా బెల్లంకొండ సురేష్ ఓ చిత్రాన్ని నిర్మించ‌బోతున్నాడు అన్న విషయం తెలిసిందే. ఈ సినిమాకు సంతోష్ శ్రీనివాస్ ద‌ర్శక‌త్వం వ‌హించ‌బోతున్నాడు స‌మంత క‌థానాయిక. ఈ సినిమాకి 'రభస' అనే పేరు ప్రారంభం నుంచి ప్రచారంలో వచ్చింది. అతి త్వరలో సెట్స్‌పైకి వెళ్లనున్న ఈ సినిమాకి పేరు మారుస్తారని ప్రచారం టాలీవుడ్ లో జరుగుతోంది.
దీనికి ప్రధాన కారణం మన బుడ్డోడుకి 'రభస' అనేటైటిల్ న‌చ్చ లేద‌ట, అందువల్ల వేరే ఏదైనా టైటిల్ ఆలోచించమని చెబుతున్నాడ‌ట . అయితే ద‌ర్శకుడు మాత్రం క‌థ‌కు త‌గ్గట్టుగా టైటిల్ బాగుంటుందని అన్నాడట . మరి సినిమా సెట్స్‌పైకి వెళ్లేలోపే పేరు మారుస్తారా లేదా అన్నది సందేహమే.
ఇంతకీ ఎన్టీఆర్ కు ‘రభస’ అన్న మాట వింటే అతడికీ బాలకృష్ణకీ మధ్య ఆ మధ్య జరిగిన రాజకీయ రభస గుర్తుకు వస్తోంది కాబోలు...
