దేశవ్యాప్తంగా రిలియన్స్ సంస్థ చేయని వ్యాపారం లేదు ఏ వ్యాపారంలో అయినా చాల తెలివిగా వ్యాపారం చేయడం రిలియన్స్ సంస్కృతి. గత వారం విడుదల అయిన నాగార్జున ‘భాయ్’ ఫెయిల్యూర్ టాక్ తెచ్చుకున్నా ఈ సినిమా కలెక్షన్స్ చాలా బాగున్నాయి అంటూ ఈ సినిమా దర్శకుడు వీరభద్రం వరసపెట్టి చానల్స్ లో ఇంటర్వ్యూలు ఇస్తూ ఆదరగోడుతూ ఉంటే ఫిలిం నగర్ విశ్లేషకులను ఆశ్చర్య పరుస్తోంది. ఈ నేపధ్యంలో ఒక ఆశక్తికర కధనం ఫిలిం నగర్ లో వినిపిస్తోంది.
తెలుస్తున్న సమాచారంప్రకారం నాగార్జున అన్నపూర్ణ స్టూడియోస్ పతాకంపై ‘భాయ్’ సినిమాను నిర్మించినా ఈ సినిమాలో నాగార్జున వాటా మటుకు చాలా తక్కువట. మేజర్ షేర్ అంతా రిలేయన్స్ ఎంటర్ టైన్మెంట్ వారిదే అట. మరొక ఆశక్తికర విషయం ఏమిటంటే 40కోట్ల బడ్జెట్ తో నిర్మించిన ఈ సినిమాలో హీరోగా నటించిన నాగార్జున తన పారితోషికంగా భారీమోత్తాన్ని రిలేయన్స్ సంస్థ నుండి అందుకున్నట్లుగా తెలుస్తోంది.
విడుదలైన మూడు రోజులలో ఈ సినిమా కేవలం 5 కోట్లు వసూలు చేసి నష్టాల బాట బట్టినా ఈ సినిమా వల్ల నాగార్జునకు పెద్దగా నష్టం రాలేదని, వచ్చిన నష్టం అంతా రిలియన్స్ వారిదే అంటూ మాటలు వినిపిస్తున్నాయి. మరొక విషయం ఏమిటంటే ఈ సినిమాకు దర్శకత్వం వహించిన వీరబద్రం చౌదరికి మంచి పేరు రాకున్న, కొత్త సినిమాల ఆఫర్లు రావడం అందర్నీ ఆశ్చర్య పరుస్తోంది. దీనిని బట్టి చూస్తే నాగార్జున తెలివితేటలు వీరబద్రాన్నికి కూడా అబ్బినట్లుగా అనుకోవాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి