అప్పటిదాకా సమస్యలతో సతమత మవుతున్న అమితాబ్ బచ్చన్ కెరియర్ ను అయన వ్యాఖ్యాతగా వ్యవహరించిన టీవీ కార్యక్రమం ‘కౌన్ బనేగా కరోడ్ పతి' ఎటువంటి మలుపు తిప్పిందో అందరకు తెలిసిన విషయమే. ఇప్పుడు ఆ కార్యక్రమానికి తెలుగు వర్షన్ రాబోతున్న సంగతి ఈ కార్యక్రమానికి అక్కినేని నాగార్జున వ్యాఖ్యాతగా వ్యవహరించనున్నారు అన్న వార్తలు ఇప్పటికే వెలుగులోకి వచ్చాయి. ‘మీలో కోటీశ్వరులు ఎవరు' అనే పేరుతో సాగే ఈ కార్యక్రమం ఈ రోజు నుండి మాటీవీలో మొదలు కానుంది.
అయితే ఎపి హెరాల్డ్ కు అందుతున్న సమాచారం ప్రకారం ఈ కార్యక్రమంలో పాల్గొనే తొలి అవకాశం నాగార్జున తన భార్య అమలకు కల్పించాడట. దీనితో నాగ్ తన భార్యను ఈ కార్యక్రమం ద్వారా కోటీశ్వరాలిని చేసేందుకు నాగార్జున ప్లాన్ చేసాడని సెటైర్లు పడుతున్నాయి. నోవాటెల్ హోటల్‌లో ‘మీలో కోటీశ్వరులు ఎవరు' కార్యక్రమానికి సంబంధించిన ప్రారంభోత్సవ కార్యక్రమం జరుగనుంది అని తెలుస్తోంది.
మరొక ముఖ్య విషయం ఏమిటంటే ఈ కార్యక్రమానికి వ్యాఖ్యాతగా వ్యవహరించడం ద్వారా నాగార్జునకు మూడు కోట్లు పారితోషికం ఈ షో నిర్వాహకులు ఆఫర్ చేసినట్లు టాక్. హిందీలో ‘కౌన్ బనేగా కరోడ్ పతి' అమితాబ్ కు ఎటువంటి పాపులారిటి తీసుకు వచ్చిందో అదేవిధంగా నాగ్ ను ‘మీలో కోటీశ్వర్లు ఎవరు’ కార్యక్రమం బుల్లితెర సూపర్ స్టార్ గా ఎంతవరకు నిలబడుతుందో చూడాలి.
