పారిశ్రామిక దిగ్గజం అనిల్‌ అంబానీ ఇచ్చిన పిలుపు మేరకు వెండితెర మన్మధుడు నాగార్జున తన కుటుంబ సభ్యులతోసహా గత ఆదివారం 'స్వచ్ఛభారత్‌' కార్యక్రమంలో పాల్గొన్న సంగతి తెలిసిందే. మోడీ పిలుపు ఇచ్చిన ఈ సేవా కార్యక్రమానికి ప్రతిస్పందించిన మొట్టమొదటి టాలీవుడ్ సెలిబ్రిటీగా నాగ్ క్రియేట్ చేసాడు.
అంతడితో ఊరుకోకుండా ఈ కార్యక్రమాన్ని ముందుకు తీసుకువెళ్ళమని అల్లుఅర్జున్ ను నామినేట్ చేసి బన్నీకి షాక్ ఇచ్చాడు. అయితే ఇప్పుడు అల్లుఅర్జున్ ఈ సవాల్ ను స్వీకరిస్తాడా? లేదా? అనే విషయం పై అందరి ద్రుష్టి ఉంది.
కాంగ్రెస్ పార్టీకి ప్రాతినిధ్యం వహిస్తూ గతంలో మంత్రిగా పనిచేసిన చిరంజీవి అనుమతిని ఈ విషయంలో బన్నీ అడుగుతాడా లేదంటే రాజకీయాలతో సంబంధం లేకుండా తనకున్న సామాజిక చైతన్యంతో తన అభిమానులతో ఈ ‘స్వచ్ భారత్’ కార్యక్రమాన్ని కొనసాగిస్తాడా అనే విషయం పై మరి కొద్ది రోజులలో క్లారిటీ వచ్చే అవకాసం ఉంది.
మెగా అభిమానులే బన్నీ అభిమానులు కాబట్టి బన్నీ నాగ్ విసిరిన ఈ సవాల్ స్వీకరిస్తే మెగా అభిమానులు కూడా మోడీ ప్రభావంలో అడుగులు వేస్తున్నారనే అనుకోవాలి. ఈ సంవత్సరం టాలీవుడ్ బిగ్గెస్ట్ హిట్ గా బన్నీ నటించిన ‘రేసుగుర్రం’ ఇచ్చిన ఆనందంతో సినిమాలు చేస్తున్న బన్నీ నాగార్జున ఇచ్చిన సవాల్ ను స్వికరిస్తే టాలీవుడ్ యంగ్ హీరోలలో సామజిక చైతన్యం ఉన్న హీరోగా కూడా రికార్డు క్రియేట్ చేస్తాడు..
