వివాదాల దర్శకుడు రామ్ గోపాల్ వర్మ మళ్ళీ పవన్ అభిమానులతో పెట్టుకున్నాడు. వర్మ పవన్ వీరాభిమాని అద్దంకి రవి పై వేసిన సెటైర్లు పవన్ అభిమానులకు తీవ్ర కోపాన్ని తెప్పించినట్లుగా వార్తలు వినిపిస్తున్నాయి. మొన్న పవన్ అభిమాని అద్దంకి రవి దాదాపు 1500 కిలోమీటర్లు దూరంలో ఉన్న పశ్చిమబెంగాల్లోని ఖరగ్పూర్ నుంచి సైకిల్ తొక్కుకుంటూ వచ్చి పవన్ ను కలిసిన విషయo పై వర్మ ఈ వ్యాఖ్యలు చేసాడు. అంత దూరం శ్రమ పడుతూ సైకిల్ తొక్కుకుంటూ వచ్చి పవన్ కలవడం పనికిమాలిన చర్యగా అభివర్ణించాడు.
పవన్ వీరాభిమానికి సూచనలు చేసాడు.
ఈ విషయమై రామ్ గోపాల్ వర్మ తన ట్విట్టర్లో స్పందిస్తూ పవన్ అభిమాని అంత కష్టపడి సైకిల్ పై వచ్చి తన సమయం, శక్తి రెంటిని వృధా చేసుకున్నాడు అంటూ షాకింగ్ కామెంట్స్ చేసాడు. అయితే తన అభిమాన హీరోను కలవడానికి ఇలా కాకుండా పవన్ అభిమాని రైలులో వచ్చి ఆ సమయాన్ని ఏదైనా మంచి పని కోసం ఉపయోగిస్తే బావుండేది కదా అంటూ పవన్ వీరాభిమానికి సూచనలు చేసాడు. అంతేకాదు ఇలాంటి పనికిమాలిన చర్యలను ప్రోత్సహించవద్దు అంటూ పవన్ కు సలహాలు కూడ ఇచ్చాడు.