అవును బాలీవుడ్ అందాల నటి విద్యాబాలన్ చెంప చెల్లుమందట..! ఒక్కసారి కాదు మూడు సార్లు చెంప చెల్లుమనిపించారట ఆ యువకుడు. కట్టుకున్న భర్తే ఆమెపై అందరూ చూస్తుండగా చేయి చేసుకున్నారట. హలో ఇదంతా నిజమనుకుంటున్నారా..? అబ్బే . 'గృహహింస'పై 'హమారీ అధూరీ కహానీ' అనే సినిమా తీస్తున్నారు అందులో ఓ సన్నివేశంలో విద్యాబాలన్ పై తీసిన సీన్ అది. సీన్ మంచిగా రక్తి కట్టించాలని వాస్తవాన్ని తలపించేలా ఉండేందుకే ఇలా మూడుసార్లు విద్యా చెంపమీద డైరెక్టర్ కొట్టించారట. ఈ విషయాన్ని రాజ్ కుమార్ రావ్ చెప్పాడు.
హమారీ అధూరీ కహానీ లో ఓ సన్నివేశం
ఈ సినిమాలో రాజ్ కుమార్ రావ్, విద్యాబాలన్ హీరో హీరోయిన్లుగా నటించారు. ఈ సినిమాలో గృహహింసపై చర్చిస్తున్నారు. జూన్ 12న విడుదల కానున్న ఈ సినిమా ప్రమోషన్‌లో ఈ విషయాన్ని రాజ్ కుమార్ రావ్ వెల్లడించాడు. రియాలిటీ కోసం మూడుసార్లు చెంపపై కొట్టినా విద్యాబాలన్ ఏమీ అనలేదని రావ్ తెలిపాడు. బయటకు చెప్పుకోలేదు కానీ విద్యాబాలన్ చెంప కందిపోయి ఉంటుంది.
