ఆంధ్ర ప్రదేశ్ శాసనసభ సాక్షిగా గురువారం (30.11.2019) కేంద్రప్రభుత్వం పై దుమ్మెత్తి పోశారు ముఖ్యమంత్రి చంద్రబాబు నాయుడు. పోలవరం ప్రాజెక్ట్‌ విషయంలో కేంద్రం అడ్డంకులు సృష్టి స్తోందని ఆ నేపథ్యంలో ఆగ్ర హోదగృలై, దాదాపు వీరభద్రుడే అయ్యారు.
పోలవరం ప్రోజెక్ట్ "మీరే పూర్తి చేస్తారా? అలాఇతే ఇప్పటి కిప్పుడు ప్రాజెక్ట్‌ ని మీకే అప్పగించేయడానికి సిద్ధం. ఇప్పుడు ప్రాజెక్ట్‌ ఆగిపోతే ఇక కట్టలేం. చాలా విషయాల్లో సంయమనం పాటించాం. అభివృద్ధి విషయంలో రాజీ పడే ప్రసక్తే లేదు" అంటూ చంద్రబాబు ఆవేశకావేశాలు ప్రకటిస్తుంటే, "ఏమిటీ! ఇదంతా నిజమేనా? " ఆంధ్రప్రదేశ్ లో చాలామందికి రాష్ట్రం వెలుపల కొందరికి అను మానం కలిగింది.
కానీ, చంద్రబాబులో ఎప్పుడూ రెండు కోణాలు కనిపిస్తున్టాయి. ఒక కోణం రౌద్రం భయానకం అనిపిస్తూ ఏదో జరిగి పోనుందనే దృశ్యం కన్పిస్తోంటే, మరో కోణంలో అత్యంత అమాయకత్వంతోకూడి సర్దుకుందాంలే! అనె బేలతనం ప్రస్పుటమౌతుంది. అదే చంద్రబాబు స్పెషాలిటీ. మొన్న అలాకేంద్రంపై ఆగ్రహోదగ్రుడై అగ్నికెరటంలా మండి పోయిన చంద్రబాబు, నేడు చాలా అమాయకంగా బేలగా జనానికి జాలి ఉప్పొంగేలా పార్టీ శ్రేణుల్ని ఉద్దేశించి "కేంద్రాన్నిఏమీ అనొద్దు" అంటూ సన్నాయి నొక్కులు నొక్కారు. "కేంద్రంతో కలిసి ముందుకు వెళుతున్నాం! అటు కేంద్రంలో, ఇటు రాష్ట్రంలో బీజేపీతో కలిసి పనిచేస్తు న్నాం. ఈ పరిస్థితుల్లో నోటి కొచ్చినట్లు మాట్లాడటం సబబుకాదు" అంటూ పార్టీ ముఖ్యనేతల సమావేశంలో చంద్రబాబు చిలక పలుకులు పలికారు.
"ప్రాజెక్ట్‌ విషయంలోరాజీపడొద్దు.అలాగని కేంద్రాన్ని తొందరపడి విమర్శించొద్దు. కేంద్రంతో మాట్లాడేందుకు ప్రయత్నిద్దాం. కేంద్రమే వేగంగా నిర్మిస్తామని చెబితే, ఇచ్చే ద్దాం!" అని తెలుగు దేశం పార్టీ నేతలకు చంద్రబాబు మెత్తని అదేశించటం, దాని కి తగ్గట్టుగా టీడీపీ నేతలు నిన్నటి 'ఆవేశం' తగ్గించి, 'సుతిమెత్తగా'కథలు చెప్పడం అన్నీ చకచకా జరిగిపోయాయి
నిన్న అసలు ఆవేశపడిందీ చంద్రబాబే, నేడు ఆలోచనలో పడిందీ చంద్రబాబే. నిన్న కేంద్రంపై అగ్రహాగ్ని రగిల్చింది చంద్ర బాబే, ఈ రోజు కేంద్రం పట్ల అపారమైన అభి మానం ప్రదర్శించింది చంద్రబాబే. చంద్రబాబు చరిత్రహీనుడు అవనున్నాడా!
ఈ కథ మనకు నేర్పిన నీతిఏమంటే? ఆంధ్రప్రదేశ్ అభివృద్ది ప్రయోజనాలతో చంద్రబాబుకి సంబంధంలేదనీ కేంద్ర ప్రభుత్వంతో వ్యక్తి గత స్నేహం ముందు చంద్ర బాబు రాష్ట్ర ప్రయోజనాల్ని ఏమీ గమనించకుండానే అతి తేలికగా పణంగా పెట్టేయడం పెద్ద ఆశ్చర్యకరమైన విషయం కాదని అర్థమవటం లేదూ! దటీజ్ నారా చంద్రబాబు నాయుడు. అదే లోపూచీ లాలూచి వ్యవహారమని ఉండవల్లి అరుణ కుమార్ వివరించిన వీడియో చూడండి.
చంద్రబాబు బలహీనతను వెల్లడించిన టిడిపి సానుభూతితో తరించే ఆంధ్రజ్యోతి ప్రచురించిన ఈ వార్త చంద్రబాబు ఆత్మ న్యూనత ను చెప్పకనే చెప్పింది.
