అధునాతన సాంకేతిక పరిజ్ఞానం ద్వారా అక్రమాలు చేయడానికి కొందరు అలవాటు పడుతున్నారు.ఎపిలోని తెనాలిలో కొందరు కొన్నివేల కోట్ల రూపాయలను ఈ రకంగా దోపిడీ చేసినట్లు వచ్చిన కధనం ఒకటి సంచలనంగా ఉంది. తెనాలి సెంటర్ గా నకిలీ మల్టీ కమాడిటీస్ ఎక్స్సెంజ్(ఎంసీఎక్స్) ద్వారా ఆరువేల కోట్ల రూపాయల మేర ఇన్వెస్టర్ల సొమ్మును దోచుకున్నట్టు పోలీసులు అనుమానిస్తున్నట్లు ఆ కధనం వెల్లడిస్తోంది.దీనిని మొత్తం అరవై మూడు సెంటర్లలో నిర్వహించారని,నెదర్లాండ్ ను ఆపరేషన్ కేంద్రంగా పెట్టుకున్నారని, ఎంసీఎక్స్ డూప్లికేట్ సర్వర్ ద్వారా అక్రమ కార్యకలాపాలు నిర్వహిస్తున్నట్టు పోలీసులకు వర్తమానం అందిందని అంటున్నారు. మాజీ ఉద్యోగులపైనే అనుమానాలు వ్యక్తం చేస్తున్నారు.పోలీసులు విచారణ చేస్తున్నారు.
