പഴങ്ങൾ കൊണ്ട് ഫേഷ്യൽ ചെയ്താലോ? ചർമ്മ പരിപാലനത്തിന്റെ കാര്യത്തിൽ, മികച്ച ഫലങ്ങൾ നൽകാനാവശ്യമായ ചേരുവകളെല്ലാം പ്രകൃതി തന്നെ നമുക്കായി ഒരുക്കിവെച്ചിട്ടുണ്ട്. അതിൽ ഏറ്റവും പ്രധാനപ്പെട്ടതാണ് പലതരം പഴങ്ങൾ. ഇവ പോഷകങ്ങളാൽ സമ്പന്നമാണ് എന്നു മാത്രമല്ല എല്ലായ്പ്പോഴും ചർമ്മത്തെ മേന്മയോടെയും തിളക്കമുള്ളതുമായി നിലനിർത്താൻ സഹായിക്കുകയും ചെയ്യുന്നു.
സുന്ദരമായ നിങ്ങളുടെ മുഖചർമ്മം എല്ലായ്പ്പോഴും ആരോഗ്യമുള്ളതും തിളക്കമുള്ളതുമായി നിലനിൽക്കണം എന്നല്ലേ ആഗ്രഹം. എന്നാൽ ഇതിനു വിപരീതമായി ഇടയ്ക്കിടെ ചർമ്മത്തിൽ പ്രകോപനങ്ങൾ ഉണ്ടാകുന്നത് ഉണ്ടാവുന്നത് പതിവായി മാറിയിരിക്കുന്നു. രാസവസ്തുക്കൾ അടങ്ങിയ ചർമ്മസംരക്ഷണ ഉൽപ്പന്നങ്ങളുടെ ഉപയോഗം നിങ്ങളുടെ ചർമ്മപ്രശ്നങ്ങളെ കൂടുതൽ ദോഷകരമായി ബാധിക്കുന്നതിന് കാരണമായി ഭവിക്കുന്നുണ്ട്. അതുകൊണ്ടു തന്നെ നമ്മുടെ ദൈനംദിന ചർമ്മ സംരക്ഷണ രീതികൾ കൂടുതൽ സ്വാഭാവികവും പ്രകൃതിദത്തവുമായ രീതിയിലേക്ക് വഴിമാറേണ്ടതുണ്ട്.
മുഖക്കുരു സാധ്യതയുള്ള ചർമ്മത്തെ ചികിത്സിക്കുന്നതിൽ തുടങ്ങി ചർമ്മത്തിൽ ജലാംശം നിലനിർത്തുന്നതിന് വരെ വ്യത്യസ്ത തരം പഴങ്ങൾ നിങ്ങളെ സഹായിക്കും.ചർമ്മത്തിന്റെ ഗുണനിലവാരം പരിപൂർണ്ണമായും മെച്ചപ്പെടുത്താൻ പഴങ്ങളിൽ അടങ്ങിയിരിക്കുന്ന പോഷകങ്ങൾ സഹായിക്കുന്നു. അസംസ്കൃതമായ രീതിയിൽ തന്നെ അവ കഴിക്കുന്നത് നിങ്ങൾക്ക് ഏറ്റവും ആരോഗ്യകരമായ അനുഭവങ്ങൾ പകരുന്നതാണ്.
മുഖചർമ്മത്തിൽ ഫ്രൂട്ട് മാസ്കിങ്ങ് പ്രവർത്തനങ്ങൾ ചെയ്യാനായി നിങ്ങളുടെ പ്രിയപ്പെട്ട പഴത്തോടൊപ്പം അവശ്യ എണ്ണകൾ, തേൻ, തൈര് അല്ലെങ്കിൽ കറ്റാർ വാഴ പോലുള്ള ചേരുവകൾ കൂടി കലർത്തി ഇതിനായി ഉപയോഗിക്കാം. നിങ്ങളുടെ ചർമ്മ ആരോഗ്യത്തെ പരിപോഷിപ്പിക്കുന്നതിനായി വ്യത്യസ്ത രീതികളിൽ ഉപയോഗിക്കാൻ കഴിയുന്ന പഴങ്ങളുടെ ഒരു ലിസ്റ്റ് ഇവിടെയുണ്ട്. പഴങ്ങൾ നിങ്ങളുടെ ചർമത്തിൽ ഉപയോഗിക്കുന്നതിനായി ധാരാളം മാർഗങ്ങളുണ്ട്.
ഇത്തരം പഴങ്ങളെല്ലാം തന്നെ നിങ്ങളുടെ മുഖത്ത് ഫേസ് മാസ്ക് രൂപത്തിൽ നേരിട്ട് പ്രയോഗിക്കുന്നത് വഴി മികച്ച ചർമസ്ഥിതി കൈവശപ്പെടുത്താനാവും. സ്ട്രോബെറി, വാഴപ്പഴം തുടങ്ങിയ പഴങ്ങളാണ് ഇതിനായി നിങ്ങൾ ഉപയോഗിക്കുന്നതെങ്കിൽ ഇതോടൊപ്പം മറ്റ് ചേരുവകൾ കൂട്ടി ചേർക്കേണ്ട ആവശ്യം പോലുമില്ല. ഇവ നിങ്ങളുടെ മുഖത്ത് നേരിട്ട് പുരട്ടുന്നത് വഴി തന്നെ ഒട്ടനവധി ആരോഗ്യ ആനുകൂല്യങ്ങൾ ലഭ്യമാകുന്നു. മറിച്ച് ഒരു ഫെയ്സ് പായ്ക്കിന്റെ രൂപത്തിലാണ് ഇവ ഉപയോഗിക്കുന്നതെങ്കിൽ പോലും കൂടുതൽ ഫലങ്ങൾ നേടിയെടുക്കാനാകും.
വിറ്റാമിൻ സി പോഷകങ്ങളാൽ സമ്പുഷ്ടമായ സിട്രസ് പഴങ്ങൾ ചർമ്മ സുഷിരങ്ങൾ ദൃഡമാക്കുന്നതിനും വാർദ്ധക്യത്തിന്റെ ചർമ്മലക്ഷണങ്ങളെ മന്ദഗതിയിലാക്കുന്നതിനും സഹായിക്കും. ഈ ഗുണങ്ങളെല്ലാം വളരെ എളുപ്പത്തിൽ നേടിയെടുക്കാനായി നിങ്ങൾ ആകെ ചെയ്യേണ്ടത്, നിങ്ങളുടെ പ്രിയപ്പെട്ട ഏതെങ്കിലുമൊരു സിട്രസ് പഴത്തിന്റെ ഒരു കഷ്ണം മുറിച്ചെടുത്ത് മുഖത്ത് തേച്ച് പുരട്ടുക മാത്രമാണ്. 5 മിനിറ്റിനു ശേഷം ഇത് കഴുകിക്കളയുക. തിളക്കമുള്ളതും സർവ്വോപരി ആരോഗ്യമുള്ളതുമായ ചർമ്മസ്ഥിതി നൽകാൻ ഇത് സഹായിക്കുന്നു.
കഴിക്കുമ്പോൾ ഏറ്റവും രുചികരവും ശരീരത്തിന് ആരോഗ്യകരവുമാണ് സിട്രസ് പഴങ്ങളെല്ലാം തന്നെ. ചർമ്മത്തിൽ പ്രയോഗിക്കുമ്പോഴും ഇതിന് ഒരു മാറ്റവുമില്ല. കറുത്ത പാടുകളും പിഗ്മെന്റേഷനുമെല്ലാം നീക്കം ചെയ്യുന്നതിനുള്ള ശക്തമായ ഗുണങ്ങൾ ഇവയിൽ അടങ്ങിയിരിക്കുന്നു. അതുകൂടാതെ ഇതിന് ഒരു സ്വാഭാവിക എക്സ്ഫോളിയേറ്ററായി പ്രവർത്തിക്കാനും കഴിവ് കൂടിയുണ്ട്. നിങ്ങൾ ആകേ ചെയ്യേണ്ടത് പേരയ്ക്കയുടെ കുരു മാത്രമെടുത്ത് ഒരു മിക്സറിലിട്ട് അരച്ചെടുത്ത ശേഷം മുഖത്ത് സൗമ്യമായി തടവുക മാത്രമാണ്.
