సాధారణంగా ప్రేమకు మతం, కులం అడ్డు కాదంటారు. ఎలాంటివారయినా జీవితంలో మరొకరిని ఖచ్చితంగా ప్రేమిస్తారు. ఇక అందరిలాగే ఇండస్ట్రీలోని వ్యక్తులు కూడా ప్రేమలో పడడం సహజమే. హీరోలు తమ పక్కన నటించే తోటి హీరోయిన్లతో ప్రేమాయణాన్ని కొనసాగిస్తారు. అయితే వీటిలో చాలా మటుకు పెళ్ళి అనే బంధానికి ఆమడ దూరంలోనే ఆగిపోగా మరికొన్ని పెళ్ళి అయిన తరువాత కూడా విడాకుల రూపంలో పటాపంచలు అవుతాయి.
తనకు కూడా ప్రేమ విషయంలో చేదు అనుభవాలు ఉన్నాయని తెలిపి సంచలనం సృష్టించింది అక్కినేని సమంత. నాగచైతన్య తో కలిసి వైవాహిక జీవితాన్ని ఆనందంగా గడుపుతున్న ఆమె తనకు కూడా ప్రేమగాయం ఉందని చెప్పడం అభిమానులతో సహా ఈ విషయం తెలియని తన సన్నిహితులను సైతం ఆశ్చర్యానికి గురిచేసింది. పెళ్లి అయిన తరువాత కూడా ఆమె ఇలా ఒక స్టార్ స్టేటస్ హోదాలో ఉంటూ ధైర్యంగా నిజాలను ఒప్పుకోవడం పట్ల ఆమె ప్రశంసలు సైతం అందుకుంటుంది.
ఇటీవల జరిగిన ఒక ఇంటర్వ్యూలో పాల్గొన్న ఆమె తన ప్రేమను ప్రస్తావించారు. తమిళ భాషలో మహానటి చిత్రం నడిగైయార్‌ తిలగం పేరుతో నిర్మించబడిన సంగతి తెలిసిందే. ఆ చేస్తున్నప్పుడు ఆ సినిమా కథ అచ్చు తన జీవితంలో జరిగినట్లే భావించిందట. తానూ ఒక నటుడిని గుడ్డిగా ప్రేమించానని, ఆ తరువాత అతని నుంచి విడిపోయానని తెలిపింది. ఒకవేళ అతనితో ప్రేమాయణం కొనసాగించి ఉంటే తన జీవితం కూడా సావిత్రి జీవితంలా అయ్యేదని, తన టైమ్‌ బాగుండడంతో నాగచైతన్యను కలిశానని ఆమె చెప్పినట్లుగా ఇంటర్నెట్లో ఈ వార్త వైరల్ అవుతుంది. నెటిజన్లందరూ ఆ నటుడు ఎవరా అని కనుక్కొనే వేటలో పడ్డారు.
