భారతీయ చలన చిత్ర రంగంలో మూవీ లెజెండ్ మోహన్ లాల్ మలయాళంలో నటిస్తున్న అత్యంత భారీ ప్రెస్టీజియస్ ఫిల్మ్ ‘ఒడియన్’. జనతా గ్యారేజ్, మన్యంపులి, కనుపాప, మనమంతా సినిమాలతో తెలుగు ప్రేక్షకులకు చేరువైన మోహన్ లాల్ భారీ బడ్జెట్ మూవీ ‘ఒడియన్’. ఈ సినిమాలో మెహ‌న్ లాల్ 55 సంవత్సరాల వ్యక్తిగా 30 ఏళ్ల యువకుడిగా విభిన్న పాత్రల్లో నటిస్తున్నారు. ఇందుకోసం యెగా, వ్యాయామాలు చేసి తన వ‌య‌సుని 55 సంవత్సరాల నుండి 30 సంవ‌త్స‌రాలు కనిపించేలా శరీరాన్ని మార్చుకొని న‌టించారు. విభిన్నమైన కథలను.. విలక్షణమైన పాత్రలను ఎంచుకోవడంలో మోహన్ లాల్ ఎప్పుడూ ముందేవుంటారు.
ఈ కారణంగానే ఆయన ఖాతాలో అనేక ప్రయోగాలు .. అవి సాధించిన విజయాలు కనిపిస్తాయి. అద్భుతమైన గ్రాఫిక్స్‌తో నిర్మిస్తుండ‌టంతో ఈ క్రేజీ ప్రాజెక్టు‌కి సౌత్ ఇండియా అంతా హ్యూజ్ క్రేజ్ వ‌చ్చింది. మూవీ తెలుగు హక్కుల్ని దగ్గుపాటి ఫ్యామిలీకి చెందిన దగ్గుపాటి అభిరామ్, సంప‌త్ కుమార్ చేజిక్కించుకున్నారు. ఈ సినిమా ప్రమోషన్‌లో భాగంగా స్టార్ డైరెక్టర్ వి వి వినాయక్ ఫస్ట్ లుక్ రిలీజ్ చేసి చిత్ర యూనిట్‌ను అభినందించారు.
ఈ సినిమాలో మృగంగా మారే మనిషి పాత్రలో మోహన్ లాల్ కనిపించనున్నట్టు తెలుస్తోంది. పీటర్ హెయిన్స్ ఫైట్స్ ఈ సినిమాకి హైలైట్ గా నిలుస్తాయని అంటున్నారు.
మోహన్ లాల్ కెరియర్లో ఈ సినిమాకి ప్రత్యేకమైన స్థానం లభించడం ఖాయమనే టాక్ బలంగా వినిపిస్తోంది. అద్భుతమైన లొకేషన్స్ ఆశ్చర్య చకితులను చేస్తాయనీ .. గ్రాఫిక్స్ మంత్రముగ్ధులను చేస్తాయని చెబుతున్నారు. ఈ సినిమా మలయాళం, తెలుగులో డిసెంబర్ 14న గ్రాండ్‌గా ఏక‌కాలంలో విడుదల చేయ‌నున్నారు.
