బాలీవుడ్ నటుడు
సల్మాన్ ఖాన్ హోస్ట్ చేస్తున్న సెలబ్రిటీ
రియాల్టీ షో "బిగ్ బాస్" సీజన్- 13లో ఆసక్తికరమైన సన్నివేశాలు చోటుచేసుకుంటున్నాయి. అప్పటివరకు కొట్టకుంటూ బద్ధ శత్రువులుగా ఉన్న కంటెస్టెంట్స్ ఇప్పుడు స్నేహితులు అయిపోయారు. ఈ షోలో వివాదాస్పదంగా మారిన ఇద్దరు కంటెస్టెంట్స్
దేవోలినా భట్టాచర్జీ, సిద్ధార్ధ్ శుక్లా. షో మొదలైన తొలి మూడు వారాల్లో వీరిద్దరికీ అస్సలు పడేది కాదు. ఎప్పుడు చూసినా తిట్టుకుంటూ ఉండేవాళ్లు.
సిద్ధార్థ్పై ఏకంగా మీటూ ఆరోపణలు చేస్తానని
దేవోలినా బెదిరించడం వివాదాస్పదంగా మారింది. కానీ ఇప్పుడు వీరిద్దరి ప్రవర్తన ప్రేక్షకులను సర్ప్రైజ్ చేస్తోంది. ఇప్పుడు వీరిద్దరూ జిగిరీ దోస్తులు అయిపోయారు. ఎంత దగ్గరైపోయారంటే..
దేవోలినా స్నానం చేయడానికి బాత్రూమ్లోకి వెళ్లింది. బాత్రూమ్లో ఆమె పాటలు పాడటం విన్న
సిద్ధార్థ్ బాత్రూమ్ గది బయటే నిలబడి ఉన్నాడు.
నిలబడటమే కాకుండా ‘నీ పాట నీ గొంతు చాలా బాగున్నాయ్’ అంటూ తెగ పొగిడేశాడు దేవోలినాని. కాగా, అయినా ఓ
అమ్మాయి స్నానం చేస్తుంటే మగాడు బయట నిలబడటం ఏంటని పలువురు ప్రేక్షకులు మండిపడుతున్నారు. ఈ షోను చుట్టుముట్టని వివాదం అంటూ లేదు. అయినా కూడా సీజన్స్ మీద సీజన్స్ కొనసాగుతున్నాయి మరి...!!
అసలైతే షోను బ్యాన్ చేయాలన్న ప్రతిపాదన కూడా వచ్చింది. కానీ
సల్మాన్ ఖాన్ పవర్ ముందు ఎవ్వరూ నెగ్గలేరన్న సంగతి తెలిసిందేగా. ఇక
దేవోలినా, సిద్ధార్థ్ల విషయానికొస్తే.. తెలుగులో ఒకప్పుడు ప్రసారమై బాగా పాపులర్ అయిన ‘కోడలా కోడలా కొడుకు పెళ్లామా’ సీరియల్లో
దేవోలినా గోపిక పాత్రలో నటించింది. ‘చిన్నారి పెళ్లికూతురు’ సీరియల్తో సిద్ధా్ర్థ్ తెలుగు బుల్లి తెర ప్రేక్షకులకు సుపరిచితుడయ్యాడు. ఈ రెండు సీరియళ్లకు శుభం కార్డు పడిపోయింది. విపరీతమైన టీఆర్పీ రేటింగ్స్తో ఈ సీరియల్స్ దూసుకెళ్లాయి.