రీసెంట్‌గా గద్దలకొండ గణేష్ సినిమాతో మెగా ప్రిన్స్ వరుణ్ తేజ్ మంచి కమర్షియల్ సక్సస్ ను సొంతం చేసుకున్నాడు. ఈ సినిమా తర్వాత వరుణ్ ఏ సినిమా చేస్తాడా అన్న మెగా అభిమానుల ఎదురుచూపులకు సమాధానంగా తన పదో సినిమా రీసెంట్‌గా ప్రారంభించాడు. కిరణ్ కొర్రపాటి దర్శకత్వం వహిస్తున్న ఈ సినిమాను ఒక బ్యాగ్డ్రాప్ లో రూపొందిస్తున్నారు. అల్లు అరవింద్ సమర్పణలో రినైసాన్స్ పిక్చర్స్ బ్యానర్పై సిద్ధు ముద్ద- అల్లు వెంకటేష్ ఈ సినిమాని నిర్మిస్తున్నారు. మంచి ఫాం లో దూసుకుపోతున్న ఎస్.ఎస్.తమన్ సంగీతం సమకూరుస్తున్నారు. ఇక ఈ సినిమాలో వరుణ్ తేజ్ కిక్ బాక్సర్ గా కనిపించనున్నారు. వరుణ్ రోల్ గురించి మెగా అభిమానులకు ఇంతవరకూ తెలుసు. అయితే ఈ సినిమా కథాంశం ఎలా ఉండబోతోంది? ఈ కథ కు స్ఫూర్తి ఏదైనా ఉందా? అంటే కచ్ఛితంగా ఉందని వార్త ఒకటి బయటకు వచ్చింది.
ఈ సినిమా కథకు పవర్ స్టార్ పవన్ కల్యాణ్ నటించిన 'జానీ' స్ఫూర్తి అని తెలుస్తోంది. జానీ తరహాలోనే ఫుల్ ఎమోషనల్ గా ఉంటుందని తాజా సమాచారం. అయితే పవన్ స్వయంగా నటిస్తూ దర్శకత్వం వహించిన ఈ సినిమాల్లో రకరకాల తప్పులు దొర్లడం వల్ల ఈ సినిమా గురించి అప్పట్లో ఆసక్తికరంగా మాట్లాడుకున్నారు. ఇప్పుడు అలాంటి పొరపాట్లు లేకుండా అదే లైన్ తో బాక్సింగ్ నేపథ్యంలో వరుణ్ తేజ్ సినిమాని రూపొందిస్తున్నారన్న ప్రచారం జోరుగా సాగుతోంది. జానీ రీమేక్ గా ఈ సినిమా తెరకెక్కబోతోందన్న ఊహాగానాలు కూడా సాగుతున్నాయి. పవన్ తప్పులు ఇప్పుడు రిపీట్ కాకుండా అరవింద్ సమక్షంలో స్క్రిప్టును పక్కాగా తీర్చి దిద్దారట. కొత్త కుర్రాడే అయినప్పటికి కిరణ్ కొర్రపాటి ఈ సినిమాని ఎంతో ఛాలెంజింగ్ గా చిత్రీకరించేందుకు ప్రిపేర్ అవుతున్నాడట.
ఇక ఈ సినిమాలో వరుణ్ తేజ్ కు తండ్రిగా ప్రముఖ తమిళ నటుడు మాధవన్ నటించనున్నారని ఇటీవల ప్రచారమైంది. వరుణ్ తల్లి పాత్రలో వెటరన్ నటి రమ్యకృష్ణ నటిస్తారని మరో ప్రచారం కూడా మెగా ఫ్యాన్స్ కి వేడెక్కించింది. అయితే ఈ విషయాలను చిత్ర బృందం ఇంకా అఫీషియల్ గా ప్రకటించాల్సి ఉంది. ఇక ఈ సినిమా తో పాటు వరుణ్ మరో రెండు ప్రాజెక్ట్స్ ని లైన్ లో పెట్టాడు. ఆ విషయాలు కూడా త్వరలో వెల్లడి కానున్నాయి.
