ಸ್ಯಾಂಡಲ್ ವುಡ್ ನಲ್ಲಿ ಕೆಜಿಎಫ್ ನಂತೆ ಅಬ್ಬರಿಸಿ ಬೊಬ್ಬಿರಿಯಲು ಮತ್ತೊಂದು ಚಿತ್ರ ಸಿದ್ದವಾಗುತ್ತಿದೆ. ಅದೇ ಉಪ್ಪಿಯ ಕಬ್ಜ. ನಾಯಕಿ ಆಯ್ಕೆಯನ್ನ ಪಕ್ಕಕ್ಕಿಟ್ಟಿರೋ ಆರ್.ಚಂದ್ರು ಟೆಕ್ನೀಷಿಯನ್ಸ್ ಮತ್ತು ಇನ್ನುಳಿದ ಪಾತ್ರವರ್ಗದ ಆಯ್ಕೆ ಮಾಡ್ಕೊಂಡಿದ್ದಾರೆ. ಕಂಪ್ಲೀಟ್ ಚಿತ್ರವನ್ನ ಸೆಟ್ನಲ್ಲೇ ಶೂಟ್ ಮಾಡೋ ಪ್ಲಾನ್ ನಡುಯುತ್ತಿದೆ.
ಆರ್.ಚಂದ್ರು ಮತ್ತು ರಿಯಲ್ ಸ್ಟಾರ್ ಉಪೇಂದ್ರ ಕ್ರೇಜಿ ಕಾಂಬಿನೇಷನ್ನಲ್ಲಿ ಬರ್ತಿರೋ ಔಟ್ ಅಂಡ್ ಔಟ್ ಮಾಸ್ ಎಂಟ್ರಟ್ರೈನರ್ ಕಬ್ಜ. ಕೆಲದಿನಗಳ ಹಿಂದೆ ಭರ್ಜರಿ ಫೋಟೋಶೂಟ್ ಮಾಡಿ ಮುಹೂರ್ತ ನೆರವೇರಿಸಿದ್ದ ಚಿತ್ರತಂಡ, ಈಗ ಚಿತ್ರೀಕರಣಕ್ಕೆ ಅಣಿಯಾಗ್ತಿದೆ. ಹೊಸ ವರ್ಷದಲ್ಲಿ ಕಬ್ಜ ಚಿತ್ರದ ಫಸ್ಟ್ ಶೆಡ್ಯೂಲ್ ಶೂಟಿಂಗ್ ಶುರುವಾಗ್ತಿದೆ. ದೊಡ್ಡ ಮಟ್ಟದಲ್ಲಿ ಈ ಪ್ಯಾನ್ ಇಂಡಿಯಾಸಿನಿಮಾ ನಿರ್ಮಾಣವಾಗ್ತಿದೆ.
70-80ರ ದಶಕದ ಅಂಡರ್ ವರ್ಲ್ಡ್ ಸಬ್ಜೆಕ್ಟ್ ಕಬ್ಜ. ರಿಯಲ್ ಸ್ಟಾರ್ ಉಪೇಂದ್ರ ಚಿತ್ರದಲ್ಲಿ ದೊಡ್ಡ ಗ್ಯಾಂಗ್ಸ್ಟರ್ ಪಾತ್ರದಲ್ಲಿ ಧೂಳೆಬ್ಬಿಸೋಕ್ಕೆ ರೆಡಿಯಾಗಿದ್ದಾರೆ.ಇಡೀ ಅಂಡರ್ವರ್ಲ್ಡ್ನ ಗ್ಯಾಂಗ್ಸ್ಟರ್ ಉಪ್ಪಿ ಕಬ್ಜ ಮಾಡಿಕೊಳ್ಳೋ ಸಿನಿಮಾ ಕಥೆ ಇದು. ಹಾಗಾಗಿ ಉಪ್ಪಿ ಜೊತೆಗೆ ಮತ್ತೊಂದಿಷ್ಟು ಡಾನ್ಗಳು ಅಬ್ಬರಿಸಲು ರೆಡಿಯಾಗಿದ್ದಾರೆ. ಕೆಜಿಎಫ್ ಸಿನಿಮಾ ಮೂಲಕ ದೊಡ್ಡ ಮಟ್ಟದಲ್ಲಿ ಸೌಂಡ್ ಮಾಡಿದ ತಂತ್ರಜ್ಞರು ಮತ್ತು ಕಲಾವಿದರು ಕಬ್ಜ ಚಿತ್ರಕ್ಕೆ ಕೆಲಸ ಮಾಡ್ತಿದ್ದಾರೆ. ಕಬ್ಜ ಸಿನಿಮಾ ಕೆಜಿಎಫ್ ಮಾದರಿಯಲ್ಲೇ ಪೀರಿಯಡ್ ಆ್ಯಕ್ಷನ್ ಸಿನಿಮಾ ಆಗಿದ್ದು, ಈ ಚಿತ್ರದಲ್ಲಿ ಸಾಕಷ್ಟು ಜನ ವಿಲನ್ಗಳಿದ್ದಾರೆ. ಕೆಜಿಎಫ್ ಚಿತ್ರದ ಸಾಂಗ್ಸ್ ಮತ್ತು ಬಿಜಿಎಂನಿಂದ ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ರವಿಬಸ್ರೂರು ಕಬ್ಜ ಚಿತ್ರಕ್ಕೆ ಮ್ಯೂಸಿಕ್ ಮಾಡೋದು ಪಕ್ಕಾ ಆಗಿದೆ.
ಇನ್ನು ಕೆಜಿಎಫ್ ತಂಡದಲ್ಲಿ ಕೆಲಸ ಮಾಡಿದ್ದ ಕ್ಯಾಮರಾಮನ್ ಅರ್ಜುನ್ ಶೆಟ್ಟಿ, ಆರ್. ಚಂದ್ರು ಕಬ್ಜ ಚಿತ್ರವನ್ನ ಸೆರೆಹಿಡಿಯೋ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಕೆಜಿಎಫ್ ಚಿತ್ರದಲ್ಲಿ ಅವಿನಾಶ್, ಆ್ಯಂಡ್ರ್ಯೂಸ್ ಪಾತ್ರದ ಮೂಲಕ ಗಮನ ಸೆಳೆದಿದರು. ಅವರ ಲುಕ್ಕು, ಖದರ್ರು ಪ್ರೇಕ್ಷಕರಿಗೆ ಸಖತ್ ಕಿಕ್ ಕೊಟ್ಟಿತ್ತು. ಅವಿನಾಶ್ ಈಗ ಕಬ್ಜ ಚಿತ್ರದಲ್ಲಿ ಉಪ್ಪಿ ಎದುರು ಆರ್ಭಟಿಸೋಕ್ಕೆ ಬರ್ತಿದ್ದಾರೆ. ಚಂದ್ರು ಬಹಳ ಗ್ರ್ಯಾಂಡಾಗಿ ಚಿತ್ರವನ್ನ ಕಟ್ಟಿಕೊಡ್ತಿದ್ದು, ಮುಂದಿನ ವರ್ಷಾಂತ್ಯಕ್ಕೆ ಕಬ್ಜ ಚಿತ್ರ ತೆರೆಗಪ್ಪಳಿಸಲಿದೆ.
