బాహుబలి సినిమా తర్వాత అనుష్క రేంజ్ మారిపోయింది. ఆ సినిమాలో దేవసేన పాత్రలో మెరిసిన అనుష్క కి ప్రపంచ వ్యాప్తంగా గుర్తింపు వచ్చింది. ఈ సినిమా ద్వారా ఎనలేని ఖ్యాతి సంపాదించింది. అయితే ఈ సినిమా అనంతరం ఆమె మరో హీరోతో సినిమా చేయలేదు. లేడి ఓరియంటెడ్ సినిమాలు చేస్తూ తన ప్రత్యేకతని చాటుకుంటుంది. రెండేళ్ల క్రితం వచ్చిన భాగమతి సినిమా ఎంతటి విజయం సాధించిందో అందరికీ తెలిసిందే.
ఈ సినిమా ఎలాంటి ఎక్స్ పెక్టేషన్స్ లేకుండా వచ్చి బాక్సాఫీసు వద్ద కాసుల వర్షం కురిపించింది. హారర్ థ్రిల్లర్ నేపథ్యంలో వచ్చిన ఈ చిత్రం ప్రేక్షకులని విపరీతంగా ఆకర్షించింది. అరుంధతి లాంటి హీరోయిన్ ఓరియంటెడ్ సినిమా తర్వాత అనుష్కకి మళ్ళీ అలాంటి విజయం దక్కింది. అయితే అనుష్క ప్రస్తుతం నిశ్శబ్దం అనే సినిమాలో నటిస్తుంది. ఈ చిత్రంలో అనుష్క మూగదైన పెయింటింగ్ కళాకారిణి నటిస్తున్నారు.
ఇక హీరో మాధవన్ మ్యూజీషియన్ గా నటించడం విశేషం. కొద్దిరోజుల క్రితం నిశ్శబ్దం టీజర్ విడుదల కాగా మంచి రెస్పాన్స్ అందుకుంది. కోనవెంకట్ నిర్మాతగా వ్యవహరిస్తున్న ఈ చిత్రం జనవరి 31 వ తేదీన విడుదల కావాల్సి ఉంది. అయితే సినిమా విడుదల తేదీ దగ్గర పడుతున్నా కూడా ప్రమోషన్స్ విషయంలో ఎలాంటి చప్పుడు లేకపోవడంతో సినిమా విడుదల వాయిదా పడిందేమోననే వార్తలు వస్తున్నాయి.
ఈ మేరకు ఇదే విషయాన్ని కోనవెంకట్ ని ప్రశ్నించగా, చిత్ర ప్రమోషన్స్ కొరకు మా దగ్గర మంచి ప్రణాళిక ఉందన్న ఆయన…నిశ్శబ్దం చిత్రానికి సంబంధించిన ఏ అప్డేట్ అయినా సంక్రాంతి పండుగ తరువాతే అని ట్విట్టర్ లో పోస్ట్ చేశారు. ఐతే మూవీ విడుదల ప్రకటించిన విధంగా జనవరి 31న ఉంటుందా లేదా అనే దానిపై ఆయన స్పష్టత ఇవ్వలేదు. హేమంత్ మధుకర్ దర్శకత్వం వహిస్తున్న ఈ సినిమాలో హీరోయిన్ అంజలితో పాటు అర్జున్ రెడ్డి ఫేమ్ షాలినీ పాండే కూడా కనిపించనుంది.
