అర్జున్ రెడ్డి దర్శకుడికి, చిన్మయికి మధ్య మాటల యుద్ధం కొనసాగుతుంది. సందీప్ వంగ చేసిన కామెంట్స్‌ను ట్విట్టర్ ద్వారా షేర్ చేసి.. కొట్టడం ప్రేమకు చిహ్నమా అని ప్రశ్నించారు. అయితే ఇష్యూతో సందీప్ వంగ, చిన్మయి మధ్య వివాదం రేగింది. అయితే చిన్మయి కామెంట్స్‌పై కొంతమంది నెటిజన్లు నెగిటివ్ ట్రోల్స్ చేస్తూ ఆమె వ్యక్తిగత జీవితంపై వల్గర్ కామెంట్స్ చేస్తున్నారు. వీటిపై స్పందిస్తూ మరో వీడియో విడుదల చేశారు చిన్మయి.
ఇందులో చిన్మయి ఏమన్నారంటే.. ‘నీను నా టైం లైన్‌లో ట్వీట్స్ పెట్టి నా అభిప్రాయాన్ని వ్యక్త పరిచినందుకు చాలా మంది చాలా రకాలుగా రియాక్ట్ అవుతున్నారు. లేనిపోని గోల చేసి పెంట చేస్తున్నారు. ఇండస్ట్రీ వ్యక్తి ఇంటర్వ్యూలో ఏదైనా మాట్లాడినప్పుడు దానిపై మన ఒపీనియన్ చెప్పడం చాలా నార్మల్. ఇప్పుడు నేను అదే చేశా. ఆ మాత్రం దానికి నాపై మీ భర్త నీకు ఇంకా విడాకులు ఇవ్వలేదా? నీ భర్త ఇంకా చనిపోలేదా? నువ్ ఇంకా బతికే ఉన్నావా? అని.. తెలుగులో ఉంటాయి కదా.. ‘ల’ తో మొదలయ్యే బూతులు, ‘దె’తో స్టార్ట్ చేసే పదాలతో నన్ను పిచ్చి తిట్లు తిడుతున్నారు.
చెప్పడానికి వీలు లేని బూతులు తిడుతున్నారు. మూడో ప్రపంచ యుద్ధం వచ్చినంతగా ఫీల్ అయిపోతున్నారు. అతను (సందీప్ వంగా) చాలా పవర్ ఫుల్ మ్యాన్, చాలా సక్సెస్‌లో ఉన్న దర్శకుడే నేను ఒప్పుకుంటా. ఆయన తీసిన చిత్రానికి ఒక కథ ఉంది. అయితే ప్రాబ్లమ్ ఏంటంటే.. ఆయన క్రియేట్ చేసిన పాత్రలో జరిగేది వాస్తవం అంటే సమస్య ఏర్పడుతుంది. లవ్‌లోని డెప్త్ ఆఫ్ ఎమోషన్స్‌లో ఉంటే.. ఒకర్నొకరు కొట్టుకొనవచ్చు. అయితే తెలుగు సినిమా పీపుల్స్ సినిమాకి కనెక్ట్ అయిపోతారు. అందుకే సినిమా ప్రారంభం అయ్యే ముందు సిగరెట్ మందు తాగటం లాంటివి ప్రమాదం అని చెప్తారని చిన్మయి చెప్పుకొచ్చింది.
