హరి (నాగ శౌర్య) చిన్నప్పటి నుండి గొడవల్లో తలదూర్చడం అంటే ఇష్టమున్న కుర్రాడు. ఇతని తిక్క కుదర్చాలని తిరుప్పురం ఊరిలో కాలేజ్ లో వేస్తారు అతని తల్లిదండ్రులు. ఆల్రెడీ ఒకే ఊరిని చీలికగా ఏర్పడి తెలుగు, తమిళ వాళ్లు గొడవల పడుతూ ఉంటారు. తెలుగు వాడిగా హరి తమిళ వాళ్ల వైపు అడుగుపెడితే జరిగే పరిణామాలే సినిమా కథ. ఇలాంటి పరిస్థితుల్లో హరి తమిళ అమ్మాయి కార్తిక (రష్మిక)ని ప్రేమిస్తాడు. అప్పటిదాకా ఉన్న గొడవ ఇంకాస్త పెద్దవుతుంది. ఫైనల్ గా హరి తన ప్రేమని గెలిపించుకున్నాడా..? రెండుగా విడిపోయిన తిరుప్పురం కూడా హీరో ఒకటి చేశాడా..? అన్నది అసలు కథ.
నాగ శౌర్య ఎప్పటిలానే తన ఈజ్ తో హరి పాత్రలో నటించాడు. అయితే ఇందులో కథ మొత్తం తన మీద నడిచేలా జాగ్రత్త పడ్డాడు. సినిమా మొత్తం తన భుజాన వేసుకుని నడిపించాడు. ఇక హీరోయిన్ రష్మిక తెలుగులో మొదటి సినిమనే అయినా ఆకట్టుకుంది. నరేష్, ప్రగతి పాత్రలు అలరించాయి. వైవా హర్ష, సత్య, వెన్నెల కిశోర్, పోసాని, సుదర్శన్ పాత్రలు అలరించాయి.
సాయి శ్రీరాం సినిమాటోగ్రఫీ బాగుంది. సినిమాకు వాడిన కలరింగ్ చాలా బాగుంది. ఇక మహరి స్వర సాగర్ సంగీతం సినిమాకు అదనపు ఆకర్ష్ణగా నిలిచింది. సాంగ్స్ అన్ని హిట్ అయ్యాయి. ఇక బ్యాక్ గ్రౌండ్ స్కోర్ కూడా ఆకట్టుకుంది. డైరక్టర్ వెంకీ కుడుముల కథ, కథనాలు గ్రిప్పింగ్ తో నడిపించాడు. కథలో అంత దమ్ము లేకున్నా సినిమా నడిపించిన తీరు ఇంప్రెస్ చేసింది. ప్రొడక్షన్ వాల్యూస్ కూడా సినిమాకు అవసరమైనంత ఖర్చు పెట్టారు.