నాగ చైతన్య- చందూ మొండేటి కాంబినేష‌న్‌లో మైత్రి మూవీ మేకర్స్ బ్యానర్ లో తెర‌కెక్కుతున్న చిత్రం సవ్యసాచి. యాక్షన్ ఎంట‌ర్‌టైన‌ర్‌గా రాబోతున్న ఈ మూవీ ఫస్ట్ లుక్ ను తాజాగా విడుదల చేశారు. ఈ ఫస్ట్ లుక్ లో చైతూ సీరియ‌స్ లుక్‌లో క‌నిపిస్తుండ‌గా, ఆయన వెనుక చేతులు డిఫ‌రెంట్ టాటూస్‌తో కనిపిస్తున్నాయి.
రెండు చేతుల్ని సమర్థంగా.. శక్తివంతంగా వాడేవాళ్లనే సవ్యసాచి అంటారు. అదే టైటిల్‌ను నాగ చైతన్య కొత్త చిత్రానికి ఫిక్స్‌ చేయగా.. ఇప్పుడు ఈ చిత్ర ఫస్ట్‌లుక్‌ను మేకర్లు విడుదల చేశారు. మహాభారతంలో అర్జునుడి అయిదో పేరు సవ్యసాచి. ఎందుకంటే అర్జునుడు రెండు చేతులతో ఒకే వేగంతో విలువిద్య ప్రదర్శించగలడు.
అలాగే ఈ చిత్రంలో హీరో రెండు చేతులను సమర్థవంతంగా వాడి పరిస్థితులను, ప్రత్యర్థులను ఎదుర్కొంటాడు అంటూ ఓ సందేశంతో పోస్టర్‌ను చూస్తుంటే అర్థం అవుతుంది. నాగచైతన్యకి జోడీగా నిధి అగర్వాల్‌ నటిస్తున్నారు. ప్రముఖ నటుడు మాధవన్‌ కీలక పాత్ర పోషిస్తున్నారు. మైత్రి మూవీ మేకర్స్ ఈ సినిమాను నిర్మిస్తోంది. ఈ చిత్ర ఫస్ట్‌లుక్‌ను నాగచైతన్య సోషల్‌మీడియా ద్వారా విడుదల చేశారు. ఫస్ట్ లుక్ సోషల్ మీడియాలో తెగ హల్ చల్ చేస్తుంది.
