ఈ మద్య సినిమా ఇండస్ట్రీలో ఏ చిన్న విషయం కూడా ఇట్టే బయటకు వస్తుంది..అది కాస్త సెన్సేషన్ అవుతుంది. సోషల్ మీడియా వచ్చినప్పటి నుంచి సెలబ్రెటీల గురించి రోజుకో వార్త హల్ చల్ చేస్తూనే ఉన్నాయి. ఈ మద్య సెలబ్రెటీల పిల్లల విషయాలు కూడా సోషల్ మీడియాలో నానా హంగామా చేస్తున్నాయి. స్టార్ హీరోల కూతురు ఇలా..కొడుకు అలా..ఆ స్టార్ మనవరాలు సంచలనం అంటూ..తెగ వార్తలు వస్తున్నాయి.
ఈ మద్య బాలీవుడ్ బ్యూటీ కరీనా కపూర్, సయీఫ్ అలీఖాన్ తనయుడు తైమూర్ అలీ ఖాన్‌ గురించి కూడా వార్తలు తెగ వస్తున్నాయి. వాస్తవానికి తైమూర్ పుట్టి పేరు పెట్టినప్పటి నుంచి ఎన్నో వివాదాలు చెలరేగాయి. ఇదిలా ఉంటే తాజాగా కరీనా కపూర్, అక్షయ్‌కుమార్‌ను హెచ్చరించింది. అది కూడా తైమూర్ విషయంలో. అక్షయ్‌ను ఉద్దేశిస్తూ...‘తైమూర్ వల్ల నీకు ముప్పు ఉంది.
నీకు ఉన్న అభిమాన గణాన్ని తైమూర్ దాటేయగలడు. ఇది నా ఓపెన్‌ ఛాలెంజ్‌’ అంటూ ఓ కార్యక్రమంలో పేర్కొంది. ప్రస్తుతం కరీనా ‘వీరే ది వెడ్డింగ్‌’ షూటింగ్లో బిజీగా ఉంది. అంతే కాదు ఓ విషయంలో నాకు సంతోషంగా ఉంది..బాధగానూ ఉందంటూ..వాపోయింది కరీనా. తన కుమారుడి వయస్సు 14 నెలలు మాత్రమేనని, కానీ తనకు సంబంధించిన ప్రతి ఫొటో బయటికి ఎలా వస్తుందో తెలియడం లేదన్నారు.
బాబు ఏం చేస్తున్నాడు, ఎక్కడికి వెళ్తున్నాడు, ఏ డ్రెస్‌ ధరించాడు, హెయిర్‌ స్టైల్‌ ఇలా అన్ని విషయాలు సోషల్ మీడియాలో ప్రత్యక్షం అవుతున్నాయి. వాటిని ఎలా అదుపు చేయాలో నాకు అర్థం కావడం లేదని ఆవేదన వ్యక్తం చేసింది.
