సూపర్ స్టార్ మహేష్ కొరటాల శివ కాంబినేషన్ లో వస్తున్న భరత్ అనే నేను ఏప్రిల్ 20న ప్రపంచవ్యాప్తంగా గ్రాండ్ గా రిలీజ్ అవుతుంది. ఇక ఈ సినిమా తర్వాత మహేష్ చేయబోయే 3 సినిమాల వివరాలను అందించాడు. భరత్ అనే నేను సినిమా ప్రమోషన్స్ లో భాగంగా మహేష్ తన తర్వాత సినిమాల లిస్ట్ ఎనౌన్స్ చేశాడు.
మహేష్ 25వ సినిమా వంశీ పైడిపల్లి డైరక్షన్ లో రాబోతుంది. అశ్వనిదత్, దిల్ రాజు కలిసి ఆ సినిమా నిర్మిస్తున్నారు. ఇక దాని తర్వాత అర్జున్ రెడ్డి డైరక్టర్ సందీప్ వంగాతో ఓ సినిమా ఉంటుందని అన్నాడు. ఆ సినిమా కథ చెప్పగానే తనకు నచ్చేసిందని తప్పకుండా అది మంచి సినిమా అవుతుందని అన్నారు మహేష్.
ఇక ఈ రెండిటి తర్వాత సుకుమార్ డైరక్షన్ లో మరో సినిమా ఉంటుందని చెప్పాడు. ఆల్రెడీ ఈ ఇద్దరి కాంబినేషన్ లో 1 నేనొక్కడినే సినిమా వచ్చింది. అయితే రంగస్థలం సూపర్ హిట్ కొట్టడంతో సుకుమార్ కు మహేష్ నుండి పిలుపొచ్చింది. అయితే వంశీ, సందీప్ సినిమాల తర్వాతే సుక్కు సినిమా ఉంటుందని తెలుస్తుంది.
ఇక ఈ 3 సినిమాల తర్వాత ఏమన్నా ఉంటే రాజమౌళి సినిమా ఉండొచ్చు. చాలా రోజులుగా మహేష్, రాజమౌళి కాంబినేషన్ మూవీపై వార్తలు వస్తున్నా అది మాత్రం ఇప్పుడప్పుడే నెరవేరేలా లేదు. మహేష్ మాత్రం భరత్ తర్వాత కూడా పర్ఫెక్ట్ ప్లానింగ్ తో ఉన్నాడని చెప్పొచ్చు.
