ఆ మద్య ఐస్ బెట్ చాలెంజ్ ఏ రేంజ్ లో క్రేజ్ తెచ్చుకుందో అందరికీ తెలిసిందే. ఆ తర్వాత ఇలాంటి చాలెంజ్ లు రక రకాలుగా వచ్చాయి. ఆరోగ్యం మహాభాగ్యం..మన పెద్దలు అన్నట్లు ఒక ఇంట్లో అందరూ ఆరోగ్యంగా ఉంటే..ఆ సమాజం..సమాజం బాగుంటే రాష్ట్రం..రాష్ట్రం బాగుంటే..దేశం బాగుంటుంది. కేంద్ర క్రీడా శాఖ మంత్రి రాజ్యవర్ధన్‌ సింగ్ రాథోడ్ విసిరిన ఫిట్‌నెస్ సవాల్ సోషల్ మీడియాలో దూసుకుపోతోంది. భారతీయులంతా ఫిట్‌గా ఉండాలనే ఉద్దేశంతో రాజ్యవర్ధన్‌ సింగ్ ‘హమ్‌ ఫిట్‌తో ఇండియా ఫిట్‌’ అనే ఛాలెంజ్‌‌ను సోషల్ మీడియాలో ప్రారంభించిన సంగతి తెలిసిందే.
‘ఫిట్‌గా ఉండటానికి మీరు రోజూ ఏం చేస్తున్నారో ఫొటోలు, వీడియోల ద్వారా తెలియజేయండి. మీరు మీ స్నేహితులకు సోషల్ మీడియా ద్వారా ఫిట్‌నెస్ సవాల్ విసరండి’ అంటూ తాను పుష్ అప్స్ తీసిన వీడియోను ట్విట్టర్‌లో పెట్టి బాలీవుడ్ నటుడు హృతిక్‌ రోషన్‌, టీమిండియా సారథి విరాట్‌ కోహ్లీ, బాడ్మింటన్ స్టార్ సైనా నెహ్వాల్‌‌కు రాథోడ్ సవాలు విసిరారు. అయితే ఈ చాలెంజ్ కి సైనా నెహ్వాల్..వెంటనే స్పందించింది..సైనా నెహ్వాల్.. తన సహచర బ్యాడ్మింటన్ ప్లేయర్ పీవీ సింధుకు సవాల్ విసిరారు.
దీనికి సింధు స్పందిస్తూ.. జిమ్‌లో తాను చేస్తున్న కసరత్తుల వీడియోను ట్విట్టర్‌లో పెట్టింది. ఈ అమ్మడు దీపికా పదుకొనే, అఖిల్ అక్కినేని, జోష్నా చిన్నప్పకు సింధు సవాల్ విసిరింది. ఈ సవాల్‌ను స్వీకరించిన అఖిల్.. అదిరిపోయే వీడియోను ట్వీట్ చేశాడు.
కండలు తిరిగిన దేహంతో జిమ్‌లో కష్టపడుతున్న వీడియోను అఖిల్ ట్విట్టర్ పెట్టాడు. అఖిల్ కూడా మరో నలుగురికి సవాల్ విసిరాడు. వారిలో తన తండ్రి అక్కినేని నాగార్జున ఉండటం విశేషం. నాగార్జునతో పాటు బాలీవుడ్ హీరో వరుణ్ ధావన్, తన అన్న అక్కినేని నాగచైతన్య, మలయాళ నటుడు దుల్కర్ సల్మాన్‌కు అఖిల్ సవాల్ విసిరాడు.
Thank u @NSaina for the challenge #HumFitTohIndiaFit
— Pvsindhu (@Pvsindhu1) May 23, 2018
Post pictures and videos of how you keep yourself fit and send a #FitnessChallenge to your friends on social media . Here's my video and I challenge @deepikapadukone @AkhilAkkineni8 @joshnachinappa pic.twitter.com/AscsZxqklp
