మెగాస్టార్ కుటుంబం నుంచి వచ్చిన హీరో సాయిధరమ్ తేజ్. ‘పిల్లా నువ్వులేని జీవితం’ సినిమా మంచి ఎనర్జిటిక్ హీరోగా పేరు తెచ్చుకున్నాడు. మెగా ఫ్యాన్స్ కి కావాల్సిన ఫుల్ స్టఫ్ సాయిధరమ్ మొదటి సినిమాతోనే చూపించాడు. ఆ తర్వాత వచ్చిన సినిమాలు కూడా సాయిధరమ్ తేజకు మంచి పేరు తీసుకు వచ్చాయి. ప్రస్తుతం సుప్రీమ్‌ హీరో సాయిధరమ్ తేజ్ కథానాయకుడిగా, అనుపమ పరమేశ్వరన్‌ హీరోయిన్‌గా క్రియేటివ్‌ కమర్షియల్స్‌ మూవీ మేకర్స్ పతాకంపై ఎ.కరుణాకరన్ దర్శకత్వంలో క్రియేటివ్‌ ప్రొడ్యూసర్‌ కె.ఎస్‌.రామారావు, వల్లభ నిర్మిస్తున్న చిత్రం ‘తేజ్’. ఐ లవ్ యు అనేది ఉపశీర్షిక.
ప్యారిస్‌లో చిత్రీకరించిన రెండు పాటలతో టోటల్‌గా షూటింగ్ పార్ట్‌ పూర్తయింది. ప్రస్తుతం పోస్ట్‌ ప్రొడక్షన్‌లో భాగంగా ఎడిటింగ్‌, డబ్బింగ్‌ జరుగుతోంది. జూన్‌ 29న ఈ చిత్రం విడుదల కానుంది. ‘తొలిప్రేమ’, ‘ఉల్లాసంగా ఉత్సాహంగా’, ‘డార్లింగ్’ వంటి రొమాంటిక్ మూవీస్‌ని అందించిన ఎ.కరుణాకరన్ దర్శకత్వంలో వస్తోన్న మరో రొమాంటిక్ ఎంటర్‌టైనర్‌ ఇది.
మంచి లవ్ ఫీల్‌తో సాగే ప్రేమకథా చిత్రంగా 'తేజ్ ఐ లవ్ యు' రూపొందుతోంది. తేజ్ ఐ లవ్ యు చిత్ర టీజర్స్, ప్రచార చిత్రాలు అభిమానులని ఎంతగానో ఆకట్టుకుంటున్నాయి. ఈ చిత్రంపై ప్రస్తుతం మంచి బజ్ నెలకొని ఉంది. కరుణాకరన్ ఈ చిత్రాన్ని రొమాంటిక్ ఎంటర్ టైనర్ గా తెరకెక్కిస్తున్నాడు. తాజగా సాయిధరమ్ తేజ్ తన ట్విట్టర్ లో తేజ్ ఐ లవ్ యూ చిత్ర పోస్టర్ ని విడుదల చేసాడు. ఈ పోస్టర్ ప్రభాస్ డార్లింగ్ చిత్రాన్ని గుర్తుకు చేసే విధంగా ఉంది. అదే విషయాన్ని తేజు కూడా ప్రస్తావించాడు. చేతిలో మైక్, గిటార్ ఉన్నంత మాత్రాన డార్లింగ్ అనుకోవద్దని ఇది తేజ్ ఐ లవ్ యు అని క్లారిటీ ఇచ్చాడు.
Just because I have a guitar and I hold a 🎤 doesn’t mean its darling..... and it’s Tej...I love you 😉 pic.twitter.com/aSzk8QDYnq
— Sai Dharam Tej (@IamSaiDharamTej) May 30, 2018
