టాలీవుడ్ లో కామెడీ పాత్రలు వేసిన వారు తర్వాత హీరోలుగా మారిన వారు చాలా మందే ఉన్నారు. అలాంటి వారిలో సునీల్ ఒకరు. అయితే హీరోగా సక్సెస్ కాలేక పోతే మళ్లీ కామెడీ పాత్రలు వేసినవారూ ఉన్నారు..అలాంటి వారిలో బ్రహ్మానందం, ఆలి. కాకపోతే సునీల్ మాత్రం ఇప్పటి వరకు కమెడియన్ గా మాత్రం ఏ సినిమాలో కనిపించలేదు..కామెడీ హీరోగానే నెట్టుకు వస్తున్నారు. సునీల్ నటించిన సినిమాలు పెద్దగా సక్సెస్ కాకపోయినా..మనోడికి చాన్స్ లు మాత్రం బాగానే వస్తున్నాయి.
గతంలో కమెడియన్ గా సునీల్ చాలా బిజీగా వున్న సమయంలో ఆయన హీరోగా అవకాశాలు వచ్చాయి. అయితే ఇండస్ట్రీలో మనుగడ ఉండాలంటే..దేనికైనా సై అనే తీరాలి. అందుకే సునీల్ తిరిగి కమెడియన్ గా చేయడానికి రెడీ అయ్యాడు. ఈ నేపథ్యంలో ఆయనను వరుస అవకాశాలు పలకరిస్తున్నాయి. కమెడియన్ గా ఆయన ఇప్పుడు త్రివిక్రమ్ .. శ్రీను వైట్ల .. హను రాఘవపూడి సినిమాల్లో చేస్తున్నాడు.
ఆ మద్య తెలుగు సినిమాల్లో బ్రహ్మానందం, ఆలీ, వేణు మాదవ్ ఇలా చాలా మంది కమెడియన్లతో ఆడియన్స్ తెగ నవ్వుకునే వారు..కానీ ఈ మద్య ఆ స్థాయి కామెడీ తగ్గిందని కామెంట్స్ వస్తున్నాయి. ఒక్క కిషోర్ మినహా మిగతా కమెడియన్స్ అంతగా ప్రభావం చూపలేకపోతుండటం వలన సునీల్ కి మళ్లీ కలిసొచ్చిందని చెప్పుకుంటున్నారు.
